বঙাইগাঁও মহাবিদ্যালয়ৰ প্ৰাক্তন অধ্যাপক মোজাহৰ আলীৰ পৰলোক

বঙাইগাঁও মহাবিদ্যালয়ৰ বাণিজ্য বিভাগৰ প্ৰাক্তন মুৰব্বী অধ্যাপক মোজাহৰ আলীৰ আজি বিয়লি ২ বাজি ৪৫ মিনিটত হৃদযন্ত্ৰৰ ক্ৰিয়া বন্ধ হৈ বঙাইগাঁওস্থিত নিজ বাসভৱনত পৰলোকপ্ৰাপ্তি ঘটে ৷

গোৱালপাৰাত জন্মলাভ কৰা মোজাহৰ আলীয়ে ১৯৮২ চনত বঙাইগাঁও মহাবিদ্যালয়ত সহকাৰী অধ্যাপকৰূপে যোগদান কৰিছিল ৷ বিগত ২০১৬ চনত অৱসৰ গ্ৰহণ কৰা আলীৰ মৃত্যুৰ সময়ত ৬৩ বছৰ বয়স হৈছিল ৷

অধ্যাপনাৰ উপৰি বিভিন্ন সামাজিক কামত জড়িত থকা মোজাহৰ আলীয়ে মৃত্যুৰ সময়ত এজন পুত্ৰ, এজনী কন্যা আৰু পত্নীক ইহসংসাৰত এৰি থৈ যায় ৷ তেওঁৰ মৃত্যুত বঙাইগাঁও মহাবিদ্যালয়ৰ কৰ্মচাৰীসকলে গভীৰ শোক প্ৰকাশ কৰে ৷