বিশ্বনাথ জিলা কংগ্ৰেছত মুকলি বিদ্ৰোহ

বিশ্বনাথ চাৰিআলিৰ পৰা ভাস্কৰ দাস

বিশ্বনাথ জিলা কংগ্ৰেছত মুকলি বিদ্ৰোহ । বিশ্বনাথৰ ৰাজীৱ ভৱনত তৃণমুল কংগ্ৰেছীৰ উত্তাল প্ৰতিবাদ । বিশ্বনাথ জিলা কংগ্ৰেছৰ সভাপতি দিলীপ বৰুৱা হাটাও, কংগ্ৰেছ বচাওঁ শ্লোগানেৰে উত্তাল বিশ্বনাথৰ ৰাজীব ভৱন। বিশ্বনাথ জিলা কংগ্ৰেছৰ সভাপতি দিলীপ বৰুৱাৰ বিৰুদ্ধে প্ৰতিবাদী কাৰ্যসূচী গ্ৰহণ কৰে তৃণমুল পৰ্যায়ৰ প্ৰায় ২০০ শতাধিক কংগ্ৰেছ কৰ্মীয়ে |

জিলা সভাপতিগৰাকীৰ বিৰুদ্ধে পূৰ্বতে সংবাদ মেল আয়োজন কৰিছিল তৃণমূল পৰ্যায়ৰ কংগ্ৰেছ কৰ্মীসকলে ৷ কিন্তু তাৰ পিছত দলৰ বিৰোধী কাৰ্য-কলাপ কৰা বুলি বহিস্কৃত কৰা হৈছিল কেইবাজনো তৃণমূল কৰ্মীক আৰু তাৰ পিছত পুনৰ আজি প্ৰতিবাদ কৰিবলৈ বহিল এইসকল প্ৰতিবাদকাৰীয়ে |

প্ৰতিবাদকাৰীসকলৰ ষ্পষ্ট দাবী "দিলীপ বৰুৱা হাতাওঁ, কংগ্ৰেছ বচাওঁ" | এক প্ৰকাৰৰ এতিয়া দিলীপ বৰুৱাক জিলা সভাপতিৰ পৰা আতৰাবলৈ উঠি পৰি লাগিছে এইসকল ক্ষোভত ভাঙি পৰা প্ৰতিবাদকাৰীসকলে | অন্যথা দল ত্যাগ কৰা হুংকাৰ এইসকল প্ৰতিবাদকাৰীসকলৰ |