সত্য সাই বিদ্যা বিহাৰ বিদ্যালয়ৰ ৰূপালী জয়ন্তীৰ স্মাৰক প্ৰতীক পট মুকলি 

গোলাঘাটৰ পৰা মীনাক্ষী ফুকন
গোলাঘাট নগৰৰ এখন আগশাৰীৰ শিক্ষানুষ্ঠান শ্ৰীসত্য সাই বিদ্যা বিহাৰ বিদ্যালয়ৰ ৰূপালী জয়ন্তী উদযাপনৰ লগত সংগতি ৰাখি আজি ৰূপালী জয়ন্তী স্মাৰক প্ৰতীক পট মুকলি কৰা হয়। গোলাঘাটৰ আৰক্ষী অধীক্ষক মানৱেন্দ্ৰ দেৱ ৰয়ে আজি বিদ্যালয় প্ৰাংগণত অনুষ্ঠিত কৰা এক অনুষ্ঠানত এই স্মাৰক প্ৰতীক পট আনুষ্ঠানিকভাৱে মুকলি কৰে। প্ৰাৰ্থনৰে আৰম্ভ হোৱা এই অনুষ্ঠানত বন্তি প্ৰজ্বলন কৰি আৰক্ষী অধীক্ষক মানৱেন্দ্ৰ দেৱ ৰয়ে সত্য সাই বিদ্যা বিহাৰ বিদ্যালয়ৰ মনোৰম পৰিবেশৰ ভূয়সী প্ৰশংসা কৰাৰ লগতে ৰূপালী জয়ন্তী উদযাপনৰ উদ্যোক্তাসকলক শুভেচ্ছা জ্ঞাপন কৰে।

স্মাৰক প্ৰতীক পট মুকলি অনুষ্ঠানৰ আঁত ধৰে অৰ্চনা বৰাই। উল্লেখ্য যে এই ৰূপালী জয়ন্তী স্মাৰক প্ৰতীকপট প্ৰদান কৰিছে উপেন গগৈ, নাৰায়ণ বৰা আৰু সুৰুয গগৈয়ে আৰু প্ৰতীক পটৰ ডিজাইন ঋষীকেশ বৰা আৰু পংকজ শইকীয়াৰ। আজিৰ অনুষ্ঠানত সত্য সাই বিদ্যা বিহাৰ বিদ্যালয়ৰ সঞ্চালক অপূৰ্ব বৰগোহাঁই, পৰিচালনা সমিতিৰ অধ্যক্ষ ডাঃ গিৰিধৰ ফুকন, বিদ্যালয়ৰ অধ্যক্ষ শুভাশীষ ৰাজখোৱা, উপাধ্যক্ষ সুব্ৰত কৰ, চিন্তাবিদ তথা নিবন্ধকাৰ হীৰেণ গগৈ, বিপুল ৰাজকুমাৰ, পৰাগ বৰা, জয়ন্ত বৰা, পুলিন গগৈ, চন্দ্ৰকান্ত বৰুৱা, তৰুণ হাজৰিকা প্ৰমুখ্যে ৰূপালী জয়ন্তী উদযাপন সমিতিৰ বিষয়ববীয়া আৰু ছাত্ৰ ছাত্ৰী, শিক্ষক-শিক্ষয়িত্ৰী তথা অভিভাৱক উপস্থিত থাকে৷