২৫ ডিচেম্বৰত বঙাইগাঁও জিলা শিল্পী সমাজৰ প্ৰতিষ্ঠা দিৱস

বঙাইগাঁও জিলা শিল্পী সমাজৰ পঞ্চম বাৰ্ষিক প্ৰতিষ্ঠা দিৱস অহা ২৫ ডিচেম্বৰত দিনজোৰা কাৰ্যসূচীৰে বৰপাৰাস্থিত জ্যোতি সংঘত উদ্‌যাপন কৰিবলৈ প্ৰস্তুতি চলিছে ৷

প্ৰতিষ্ঠা দিৱসৰ কাৰ্যসূচী অনুসৰি পুৱা বঙাইগাঁও জিলা শিল্পী সমাজৰ পতাকা উত্তোলন কৰিব জিলা সমিতিৰ সভাপতি দীপক দাসে ৷ ইয়াৰ পিচতে শিল্পী সমাজৰ বিষয় সংগীত (সমবেত) পৰিৱেশন কৰা হ'ব ৷

স্মৃতি তৰ্পণ কৰিব বঙাইগাঁৱৰ বিশিষ্ট সংগীত শিল্পী নন্দ কিশোৰ চৌধুৰীয়ে ৷ কাৰ্যসূচীৰ লগত সংগতি ৰাখি অন্তৰংগ অনুষ্ঠান, স্মৃতিগ্ৰন্থ উন্মোচন আৰু শাস্ত্ৰীয় সংগীতৰ অনুষ্ঠান অনুষ্ঠিত হ'ব ৷

স্মৃতিগ্ৰন্থ উন্মোচন কৰিব অভয়াপুৰীৰ বিশিষ্ট সমাজ সেৱক শৈলেশ চৌধুৰীয়ে ৷