কলিয়াবৰত পথ দুৰ্ঘটনা : গুৰুতৰভাৱে আহত ২ বিদেশী পৰ্যটক

কলিয়াবৰৰ পৰা প্ৰদীপ লস্কৰ

কলিয়াবৰৰ জখলাবন্ধা থানাৰ অন্তৰ্গত হাটবৰত আজি এক ভয়াৱহ পথ দুৰ্ঘটনা সংঘটিত হয় । বিয়লি প্ৰায় ৩.৩০মান বজাত কাজিৰঙা দিশে গৈ থকা আৰ জে-১৪৭ চি-০৮৪১ নম্বৰৰ মাৰুতি ভেনখনক বিপৰীত দিশৰ পৰা তীব্ৰ বেগেৰে আহি থকা এ এছ-০১ জে চি-১৪১১ নম্বৰৰ ট্ৰাকখনে মুখামুখিকৈ খুন্দা মৰাৰ ফলত মাৰুতি ভেনখনত অহা ইজৰাইলৰ পৰ্যটক জন আটা (২২) আৰু মহিলা পৰ্যটক  ইনবাৰ (২২) গুৰুতৰভাৱে আহত হয় ।

দুয়োকে ততাতৈয়াকে জখলাবন্ধা চিকিৎসালয়লৈ অনা হয় যদিও উন্নত চিকিৎসাৰ বাবে তেজপুৰ অসামৰিক চিকিৎসালয়লৈ প্ৰেৰণ কৰে । পৰ্যটকগৰাকীয়ে নিজে ভেনখন চলাই আহিছিল আৰু দুয়ো কজিৰঙা ৰাষ্ট্ৰীয় উদ্যান পৰিভ্ৰমণ কৰিবৰ বাবে আহিছিল বুলি জানিব পৰা গৈছে ।