আমাৰ গাঁও আমাৰ আঁচনি : মায়াৰ চৰ গাঁও পঞ্চায়তৰ গাঁওসভা

বিলাসীপাৰাৰ পৰা জহিৰুল ইছলাম

ধুবুৰী জিলাৰ নায়েৰ আলগা উন্নয়ন খণ্ডৰ অন্তৰ্গত মায়াৰ চৰ গাঁও পঞ্চায়তৰ আজি বিয়লি ২ বজাত ঠাকুৰ আলগা বজাৰ প্ৰাঙ্গণত এখন গাঁওসভা অনুষ্ঠিত হয় । উক্ত সভাত সভাত সভাপতিত্ব কৰে মায়াৰ চৰ গাঁও পঞ্চায়তৰ নৱনিৰ্বাচিত সভাপতি আয়নাল হকে ।

সভাত আমাৰ গাঁও আমাৰ আঁচনি সম্পৰ্কে মায়াৰ চৰ গাঁও পঞ্চায়তৰ সম্পাদক তথা সচিব নুৰ আলী আহমেদে বিস্তাৰিতভাৱে আলোচনা কৰে । আমাৰ গাঁও আমাৰ আঁচনি উপলক্ষে এম জি এনৰেগা আঁচনিৰ কাম পঞ্চায়ত প্ৰতিনিধিৰ লগতে পঞ্চায়তবাসী ৰাইজে আবেদন কৰে ।

উক্ত গাঁওসভাত মায়াৰ চৰ গাঁও পঞ্চায়তৰ নৱনিৰ্বাচিত কাউন্সিলাৰ হাচিনা খাতুনৰ লগতে নৱনিৰ্বাচিত পঞ্চায়ত সদস্য আৰু পাঁচ শতাধিক ৰাইজ উপস্থিত থাকে ।