গোলাঘাটত চাকৰিৰ প্ৰলোভনেৰে ধন আত্মসাৎ কৰা প্ৰৱঞ্চক গ্ৰেপ্তাৰ

গোলাঘাটৰ পৰা মীনাক্ষী ফুকন

আজি বিয়লি গোলাঘাট চহৰৰ বেঙেনাখোৱা অঞ্চলৰ ৰে'লগে'টৰ সমীপত আছাম হাৰ্ডৱেৰ নামৰ দোকানখনৰ পৰা গোলাঘাট আৰক্ষীয়ে এজন প্ৰৱঞ্চকক গ্ৰেপ্তাৰ কৰিবলৈ সক্ষম হয় ।

জানিব পৰামতে, ৬ বছৰ পূৰ্বে গোলাঘাট ঢেকিয়ালৰ এলেংমূৰীয়া অঞ্চলৰ ধ্ৰুৱ বৰা নামৰ এই লোকজনে অসম চৰকাৰৰ কৃষি বিভাগত চৰকাৰী চাকৰি দিয়াৰ প্ৰলোভনেৰে গোলাঘাটৰ মেলামৰা অঞ্চলৰ চাৰিজনকৈ যুৱকৰ পৰা ২৫ হাজাৰকৈ ১ লাখ টকা লৈ বহিঃৰাজ্যৰ গ্ল'বেল ছেটিং প্ৰাইভেট ইণ্ডিয়া নামৰ এটা প্ৰইভেট কোম্পানীত অন্তৰ্ভুক্ত কৰি  ৰাজস্থানলৈ যোৱাৰ কথা কৈ পলায়ন কৰে ।

সুদীৰ্ঘ ৬ বছৰৰ পাছত ধৃত ব্যক্তিজনক উক্ত হাৰ্ডৱেৰ দোকানখনত ভুক্তভোগী বিতোপন ফুকন নামৰ যুৱকজনে দেখা পোৱাত ততাতৈয়াকৈ গোলাঘাট আৰক্ষীক খবৰ দিয়াত গোলাঘাট আৰক্ষীয়ে লোকজনক কৰায়ত্ত কৰিবলৈ সক্ষম হয় ।