চৰাইদেউৰ সোণাৰিত হস্তনিৰ্মিত বন্দুক-গুলীৰ সৈতে ২ অৰুণাচলী যুৱক আটক

সোণাৰিৰ পৰা ঘন বৰা

চৰাইদেউ জিলাৰ সোণাৰিৰ অসম-অৰুণাচল সীমান্তৰ কানুবাৰীত চৰাইদেউ জিলা আৰক্ষী আৰু চি আৰ পি এফৰ এক যুটীয়া অভিযানত হস্তনিৰ্মিত দুটা বন্দুকৰ লগতে বুজন পৰিমাণৰ সজীৱ গুলীৰ সৈতে দুই অৰুণাচলী যুৱকক আটক কৰা হয় ।

আটক হোৱা অৰুণাচলী যুৱক দুজন হ'ল ৰিম বিহাম আৰু টাচজাও জহাম । দুয়োজনকে সাপেখাতী আৰক্ষী থানাত অভিযানকাৰী দলটোৱে মাৰাথন জেৰা  অব‍্যাহত ৰাখিছে ।

উল্লেখ্য যে সাপেখাতীৰ টিমনহাবী চাহ বাগিচাৰ পৰিচালকক সন্দেহজনক আলফা (স্বা)ই অপহৰণ কৰাৰ প্ৰায় এমাহ পিছতো আৰক্ষীয়ে কোনো শুংসূত্ৰ উলিয়াবলৈ সক্ষম হোৱা নাই ।

সেয়েহে এতিয়া আৰক্ষীয়ে দুই অৰুণাচলী যুৱক এই ঘটনাৰ সৈতে জড়িত আছেনেকি অথবা আলফাৰ সৈতে জড়িত আছেনেকি তাৰ অনুসন্ধান অব‍্যাহত ৰাখিছে ।