মাজুলীত ছহিদ দিৱস উদ্‌যাপন

মাজুলীৰ পৰা ৰাজীৱ পাতিৰ

মাজুলী মহকুমা ছাত্ৰ সন্থাৰ অন্তগৰ্ত আঠখন আঞ্চলিক ছাত্ৰ সন্থাই আজি ছহিদ দিৱস উদ্‌যাপন কৰে ৷

পুৱা পতাকা উত্তোলন আৰু ছহিদ তৰ্পণেৰে আৰম্ভ হোৱা কাৰ্যসূচীৰ লগতে সন্ধিয়া প্ৰত্যেকখন আঞ্চলিক ছাত্ৰ সন্থাই ৰাজহুৱা স্থানত বন্তি প্ৰজ্বলনেৰে ছহিদসকলক শ্ৰদ্ধাঞ্জলি জনাব ৷

অসম আন্দোলনৰ প্ৰথমজন ছহিদ খৰ্গেশ্বৰ তালুকদাৰক এই ছহিদ দিৱসত সুঁৱৰি ছাত্ৰ সন্থাই বন্তি প্ৰজ্বলন কৰে ৷ 

জেংৰাই আঞ্চলিক ছাত্ৰ সন্থাই আয়োজন কৰা ছহিদ দিৱসৰ পতাকা উত্তোলন কৰে মাজুলী মহকুমা ছাত্ৰ সন্থাৰ সাধাৰণ সম্পাদক বিতোপন শৰ্মাই ৷

ছহিদ তৰ্পণ কৰে ছাত্ৰ সন্থাৰ জেংৰাই আঞ্চলিকৰ ভাৰপ্ৰাপ্ত সভাপতি মণ্টু গায়ন আৰু ভাৰপ্ৰাপ্ত সম্পাদক অবিনাশ বৰাই ৷

ফুলনি উচ্চ মাধ্যমিক বিদ্যালয়ৰ অধ্যক্ষ দ্বিজেন শইকীয়াই ছহিদ তৰ্পন কৰি ছহিদক উদ্দেশ্যি বক্তব্য প্ৰদান কৰে ৷

অনুষ্ঠানত ছাত্ৰ সন্থাৰ বিষয়ববীয়াসকলৰ লগতে শিক্ষক, ছাত্ৰ-ছাত্ৰী আৰু স্থানীয় ৰাইজে অংশগ্ৰহণ কৰে ৷