গোলাঘাট সাংবাদিক সংস্থাৰ মধ্যকালীন অধিবেশন

গোলাঘাটৰ পৰা মীনাক্ষী ফুকন

৫৪ বছৰীয়া এক বৰ্ণিল সময় অতিক্ৰম কৰা গোলাঘাট জিলা সাংবাদিক সংস্থাৰ মধ্যকালীন অধিবেশন আজি অনুষ্ঠিত হয় ৷ পুৱা সাংবাদিক সংস্থাৰ মুখ্য কাৰ্যালয়ত পতাকা উত্তোলন কাৰ্যসূচীৰে আৰম্ভ হোৱা অনুষ্ঠানৰ পিছত ছহিদ তৰ্পণ অনুষ্ঠানত উপস্থিত থাকে জিলাখনৰ সাংবাদিকসকল ৷

পুৱা ৯ বজাত সংস্থাৰ পতাকা উত্তোলন কৰে গোলাঘাট সাংবাদিক সংস্থাৰ সভাপতি সোণাৰাম ভৰালীয়ে । ইয়াৰ লগতে সাংবাদিক সংস্থাৰ কাৰ্যকৰী সভাপতি বিকাশ শৰ্মাই সংস্থাৰ হৈ বক্তব্য আগবঢ়ায় ।

ছহিদ তৰ্পণ কৰে জিলা সাংবাদিক সংস্থাৰ সাধাৰণ সম্পাদক ৰোহিত গগৈ আৰু সম্পাদক সমীৰণ দিগন্ত বৰাই । ইয়াৰে পিছতে গোলাঘাট এমেচাৰ ছ'চাইটীৰ প্ৰেক্ষাগৃহত প্ৰতিনিধিৰ নাম পঞ্জীয়ন আৰু প্ৰতিনিধি সভা আৰম্ভ হয় ।

প্ৰতিনিধি সভা উদ্বোধন কৰে সংস্থাৰ মুখ্য উপদেষ্টা ৰাধিকা বল্লভ গোস্বামীয়ে । আদৰণী ভাষণ প্ৰদান কৰে সংস্থাৰ কাৰ্যকৰী সভাপতি বিকাশ শৰ্মাই । সাংগঠনিক দিশত বিশেষ বক্তব্য আগবঢ়ায় সংস্থাৰ উপদেষ্টা, বিশিষ্ট সাংবাদিক তথা ধনশিৰি কাকতৰ স্বত্ত্বাধিকাৰী অপূৰ্ব কুমাৰ বৰুৱা আৰু অন্যতম উপদেষ্টা, জ্যেষ্ঠ সাংবাদিক অপূৰ্ব বল্লভ গোস্বামীয়ে ।

বিয়লি ৩ বজাত অনুষ্ঠিত হ'বলগীয়া মুকলি সভাত প্ৰবন্ধ প্ৰতিযোগিতাৰ পুৰস্কাৰ আৰু সাংবাদিকসকলৰ পৰিচিতি গ্ৰন্থ বিতৰণ কৰা হ'ব ।