দল বিৰোধী কাৰ্যকলাপত লিপ্ত যমুনামুখৰ অগপ নেতাক বহিষ্কাৰ

ডবকাৰ পৰা জমিৰ উদ্দিন তালুকদাৰ

দল বিৰোধী কাৰ্যকলাপত লিপ্ত থকাৰ অভিযোগত অসম গণ পৰিষদ দলৰ যমুনামুখ সমষ্টি কমিটিৰ সভাপতি মাখন উদ্দিনক আজি দলৰ পৰা বহিষ্কাৰ কৰা হয় ৷ অগপ দলৰ হোজাই জিলা সমিতিৰ সম্পাদক মহেন্দ্ৰ চন্দ্ৰ দাসে এক বিবৃতিযোগে এই কথা সদৰি কৰে ৷ অসম গণ পৰিষদ দলৰ যমুনামুখ সমষ্টি  সমিতিৰ সভাপতি মাখন উদ্দিন আহমেদে বিগত দিনত দল বিৰোধী কাৰ্যকলাপত লিপ্ত থকাৰ কথা জিলা সমিতিয়ে অৱগত হোৱাত আজি তৎক্ষণিকভাবে কাৰ্যকৰী হোৱাকৈ মাখন উদ্দিনক যমুনামুখ সমষ্টি সমিতিৰ সভাপতিৰ লগতে দলৰ প্ৰাথমিক সদস্য পদৰ পৰাও বহিষ্কাৰ কৰা হয় ৷ তেওঁৰ বহিষ্কাৰত দলৰ তৃণমূল পৰ্যায়ৰ নেতা-কৰ্মীসকলে সন্তুষ প্ৰকাশ কৰে ৷ ইপিনে, মাখন উদ্দিনক অগপৰ বহিষ্কাৰ কৰাত তেওঁ কংগ্ৰেছ দলত যোগদান কৰা বুলি জানিব পৰা গৈছে ৷