সোণাৰিত পথ দুৰ্ঘটনাত সৰ্বশিক্ষাৰ জিলা প্ৰ'গ্ৰেম অফিচাৰৰ মৃত্যু

সোণাৰিৰ পৰা ঘন বৰা

চৰাইদেউ জিলাৰ সোণাৰিত সৰ্বশিক্ষা মিচনৰ জিলা প্র'গ্ৰেম অফিচাৰ এগৰাকী যোৱা নিশা এক পথ দুৰ্ঘটনাত নিহত হয় । পঞ্চায়ত নিৰ্বাচনৰ কাম শেষ কৰি নিশা প্রায় ১.৩০ বজাত ঘৰলৈ বাইকেৰে গৈ থকা অৱস্থাত বাইকখন (এএছ এ ০২-এছ-৬২০১) ধোদৰ আলি পথৰ মাজত থকা এটা প্ৰকাণ্ড গাতত পৰি দুৰ্ঘটনাগ্ৰস্ত হয় । দুৰ্ঘটনাত গুৰুতৰভাৱে আঘাটপ্ৰাপ্ত হৈ মৃত্যুবৰণ কৰা বিষয়াগৰাকীক সঞ্জীৱ বৰা বুলি চিনাক্ত কৰা হয় । জানিব পৰা মতে মৃত সঞ্জীৱ বৰাৰ ঘৰ তেজপুৰত । আৰক্ষীয়ে মৃতদেহটো উদ্ধাৰ কৰি মৰোণোত্তৰ পৰীক্ষাৰ বাবে প্ৰেৰণ কৰে ।