নাগৰিকত্ব সংশোধনী বিধেয়কৰ বিৰোধিতাৰে গোলাঘাটত একত্ৰিত কেইবাটাও সংগঠন

গোলাঘাটৰ পৰা মীনাক্ষী ফুকন

নাগৰিকত্ব সংশোধনী বিধেয়কৰ বিৰোধিতা কৰি অসমৰ ৪৬টাকৈ সংগঠনে আহ্বান জনোৱা ১২ ঘণ্টীয়া অসম বন্ধ সফল কৰাৰ প্ৰয়াসেৰে আজি গোলাঘাটৰ অসম জাতীয়তাবাদী যুৱ-ছাত্ৰ পৰিষদৰ কাৰ্যালয়ত একত্ৰিত হয় অসম জাতীয়তাবাদী যুৱ-ছাত্ৰ পৰিষদ, ছাত্ৰ মুক্তি সংগ্ৰাম সমিতিকে কৰি বহুকেইটা সংগঠন ।

শাসক শ্ৰেণীৰ শোষণ নীতিৰ অৱসান ঘটাবলৈ, অসমীয়া ভাষা-সংস্কৃতিৰ সংকট তথা জাতি ৰক্ষাৰ স্বাৰ্থত জনোৱা এই ১২ ঘণ্টীয়া অসম বন্ধ সফল কৰিবলৈ গোলাঘাটৰ সকলো ৰাইজকে আহ্বান জনায় ।

লগতে ১৯৭১ চনৰ ২৪ মাৰ্চৰ পিছত অহা কোনো বিদেশীৰ বোজা অসমে গ্ৰহণ নকৰে বুলিও হুংকাৰ দিয়ে । অসমৰ খিলঞ্জীয়াৰ স্বাৰ্থত এই বন্ধৰ সফলতা খুবেই প্ৰয়োজন বুলিও উল্লেখ কৰে বিভিন্ন সংগঠনৰ ছাত্ৰ নেতাসকলে ।

অৱশ্যে মেডিকেল সংক্ৰান্তীয়, স্কুল-কলেজৰ পৰীক্ষা,  বিদ্যুৎ বিভাগ আদিৰ কৰ্তব্যত এই বন্ধৰ প্ৰভাৱ নপৰে বুলিও উল্লেখ কৰে ।