আমগুৰিত কেন্দ্ৰীয়ভাৱে অগপ দলৰ ৩৪ সংখ্যক প্ৰতিষ্ঠা দিৱস পালন  

আমগুৰিৰ পৰা আব্দুল গফুৰ আহমদ

ৰাজ্যৰ অন্যতম শক্তিশালী ৰাজনৈতিক দল অসম গণ পৰিষদ দলৰ ৩৪ সংখ্যক প্ৰতিষ্ঠা দিৱস কেন্দ্ৰীয়ভাৱে পালন কৰা হৈছে আমগুৰিৰ আউনীআটীয় হেমচন্দ্ৰদেৱ উচ্চতৰ মাধ্যমিক বিদ্যালয় খেল পথাৰত । ১৯৮৫ চনৰ আজিৰ এই দিনটোতে সদৌ অসম ছাত্ৰ সন্থা, অসম গণ সংগ্ৰাম পৰিষদ আৰু অসমৰ সংগ্ৰামী জনতাৰ প্ৰচেষ্টাত গঠিত হৈছিল ৰাজ্যৰ অন্যতম শক্তিশালী আঞ্চলিকতাবাদী ৰাজনৈতিক দল অসম গণ পৰিষদৰ ।

আজি দলটোৰ ৩৪ সংখ্যক প্ৰতিষ্ঠা দিৱস কেন্দ্ৰীয়ভাৱে পালন কৰা হৈছে আমগুৰিৰ আউনীআটীয় হেমচন্দ্ৰদেৱ উচ্চতৰ মাধ্যমিক বিদ্যালয় খেল পথাৰত । প্ৰতিষ্ঠা দিৱসত উপস্থিত কেন্দ্ৰীয় সভাপতি অতুল বৰা, প্ৰফুল্ল মহন্তকে ধৰি বহু জ্যেষ্ঠ অগপ কৰ্মী । দিনজোৰাকৈ অনুষ্ঠিত এই কাৰ্যসূচীত উপস্থিত দলটোৰ বিভিন্ন জিলা আৰু সমষ্টিৰ পৰা অহা বিষয়ববীয়া, অনুৰাগী, বহু হাজাৰ কৰ্মী ।

৩৪ সংখ্যক কেন্দ্ৰীয় প্ৰতিষ্ঠা দিৱসৰ দলৰ পতাকা উত্তোলন কৰে কেন্দ্ৰীয় সভাপতি অতুল বৰাই, ছহিদ তৰ্পণ আৰু স্মৃতি তৰ্পণ কৰে দলৰ জ্যেষ্ঠ নেতৃবৃন্দ ক্ৰমে প্ৰফুল্ল কুমাৰ মহন্ত আৰু ফণীভূষণ চৌধুৰীয়ে । মুকলি সভাৰ আদৰণি ভাষণ আগবঢ়ায় দলৰ সাধাৰণ সম্পাদক তথা স্থানীয় বিধায়ক প্ৰদীপ হাজৰিকাই ।