২০২৩ চনত আৰম্ভ হ’ব সোৱনশিৰি জলবিদ্যুৎ প্ৰকল্প-অৰুণাচলৰ মুখ্যমন্ত্ৰী

নিউজ ডেস্ক:
শনিবাৰে ইটানগৰৰ সমীপৱৰ্তী ড’নি প’লো বিমানবন্দৰৰ উদ্বোধনী কাৰ্যসূচীত অৰুণাচল প্ৰদেশৰ মুখ্যমন্ত্ৰী পেমা খাণ্ডুৱে কয় যে ২০২৩ চনত ২০০০ মেগাৱাট শক্তিৰ সোৱনশিৰি নিম্ন জলবিদ্যুৎ প্ৰকল্প আৰম্ভ হ’ব।
 সোৱনশিৰি প্ৰকল্প আৰম্ভ হোৱাৰ লগে লগে অৰুণাচল প্ৰদেশে ভাৰতৰ ৫ ট্ৰিলিয়ন ডলাৰৰ অৰ্থনীতি লাভৰ লক্ষ্যত যথেষ্ট অৰিহণা যোগাব বুলি খাণ্ডুৱে লগতে কয়।
 শনিবাৰে প্ৰধানমন্ত্ৰী নৰেন্দ্ৰ মোদীয়ে দেশৰ বাবে উৎসৰ্গা কৰা ৬০০ মেগাৱাটৰ কামেং জলবিদ্যুৎ কেন্দ্ৰৰ সন্দৰ্ভত খাণ্ডুৱে কয় যে "বিচোম আৰু টেংগা নদীৰ (কামেং নদীৰ উপনৈ) জলবিদ্যুৎ ব্যৱহাৰৰ বাবে ৰান অৱ দ্য ৰিভাৰ আঁচনিখন বিভিন্ন কাৰণত বহু বছৰ ধৰি পলম হৈছিল।
২০০৫ চনৰ ফেব্ৰুৱাৰী মাহৰ পৰা নিৰ্মাণ আৰম্ভ হোৱা কামেং প্ৰকল্পটোৱে কেইবাটাও সময়সীমা হেৰুৱাই পেলাইছিল।
 তেওঁ কয় যে কামেং জলবিদ্যুৎ কেন্দ্ৰ আৰম্ভ হ’লে ৰাজ্যৰ উন্নয়নৰ গতিশীলতা সলনি হ’ব।