মহাবীৰ লাচিত বৰফুকনৰ ৪০০ বছৰীয়া জন্ম জয়ন্তী উপলক্ষে হোজাই জিলা উপায়ুক্তৰ সংবাদমেল

নিউজ ডেস্ক:

মহাবীৰ লাচিত বৰফুকনৰ ৪০০ বছৰীয়া জন্ম জয়ন্তী উপলক্ষে হোজাই জিলা উপায়ুক্তই  সংবাদমেলৰ আয়োজন কৰে ৷
জিলাখনত সাতদিনীয়াকৈ ১৮ নৱেম্বৰৰ পৰা ২৪ নৱেম্বৰলৈকৈ বীৰ সেনানায়কজনৰ জন্মজয়ন্তী উপলক্ষে অনুষ্ঠিত হ’ব বিভিন্ন কাৰ্যসূচী।
জিলাখনৰ সদৰ শংকৰদেৱ নগৰৰ উপায়ুক্ত কাৰ্যালয়ত  অনুষ্ঠিত সংবাদমেলত উপায়ুক্ত সীমান্ত কুমাৰ দাসে এই কথা সদৰি কৰি জানিবলৈ দিয়ে যে, 
১৮ নৱেম্বৰত জিলাখনৰ হোজাই চহৰত আৰক্ষীৰ মাৰ্চপাচেৰে শুভাৰম্ভ হ'বলগীয়া সপ্তাহজোৰা অনুষ্ঠানটিৰ কাৰ্যসূচী ২৪ নৱেম্বৰত জিলাখনৰ সদৰস্থিত  কাছাৰী ময়দানত ৰাজহুৱা সভাৰ জৰিয়তে সামৰণি পৰিব।