বেলতলাৰ বৰুৱা দম্পত্তিৰ হত্যাকাণ্ডৰ অভিযোগনামা ৪ পৃষ্ঠাতে সামৰিলে আৰক্ষীয়ে

নিউজ ডেস্ক:

গুৱাহাটীৰ বেলতলা ছাৰ্ভেৰ চন্দন নগৰৰ বৃদ্ধ দম্পতী ননীগোপাল বৰুৱা, মীনা বৰুৱাৰ  হত্যাকাণ্ডৰ অভিযোগনামা দাখিল আৰক্ষীৰ।আৰক্ষীয়ে তদন্ত সামৰি চাৰি পৃষ্ঠাৰ অভিযোগনামা দাখিল কৰে আদালতত।উল্লেখ্য যে ,চাৰিটা পৃষ্ঠাত আৰক্ষীয়ে এহাল দম্পত্তি হত্যাকাণ্ডৰ তদন্ত সামৰা ঘটনাই একাংশ ব্যক্তিক চিন্তিত কৰিছে।কিয়নো ঘটনাৰ কিমান সঠিক তদন্ত হৈছে সেয়াই বিচাৰৰ পাছতেই পোহৰলৈ আহিব।তাৰ মাজতে এটা কথা উল্লেখ কৰিব লাগিব যে  হত্যাকাণ্ড সংঘটিত কৰাৰ অভিযোগত বৰ্তমান কাৰাবন্দী হৈ থকা কেয়াৰটেকাৰ আকাশ চৌধুৰী প্রকৃত হত্যাকাৰী হয় নে নহয় সেই সমগ্ৰ সত্যতা নিৰূপণ হ’ব বিচাৰত।

আনহাতে, আকাশে হত্যাকাণ্ডত কোনো প্ৰকাৰে জড়িত নহয় বুলি বিভিন্ন সময়ত সংবাদ মাধ্যমত প্ৰকাশ কৰি আহিছে।আৰক্ষীৰ জিম্মাত অত্যাচাৰ সহিব নোৱাৰি হত্যাকাণ্ডত জড়িত বুলি মিছাতে প্ৰকাশ কৰা বুলিও তেওঁ কয়।এক মাত্ৰ আৰক্ষীৰ অত্যাচাৰৰ পৰা ৰেহাই পাবলৈ তেনেকৈ কোৱা বুলিও লগতে কয়। 

ইফালে আদালতত দাখিল কৰা অভিযোগনামাত বৰুৱা দম্পতীক কেয়াৰ টেকাৰ আকাশ চৌধুৰীয়ে  হত্যা কৰাৰ কথা বৰ্ণনা কৰিছে।আকাশৰ পত্নী পুতু দাসৰ লগত  ননীগোপাল বৰুৱাৰ সম্পৰ্ক থকা বাবেই বৰুৱা দম্পতীক  কেয়াটেকাৰ আকাশে  হত্যা কৰা বুলি তদন্তৰ প্ৰতিবেদনত উল্লেখ আছে।

অভিযোগনামাত উল্লেখ অনুসৰি ননীগোপাল বৰুৱাই পুতু দাসক হাজোত এডোখৰ মাটি দিছিল।উক্ত মাটি আকাশে নিজৰ নামত বিচৰাৰ লগতে বৰুৱাক এখন গাড়ী বিচাৰিছিল।কিন্তু নিদিয়াৰ বাবে হত্যা কৰিছিল।হত্যাকাণ্ডটো পূৰ্ব পৰিকল্পিত বুলি অভিযোগ নামাত স্পষ্টকৈ উল্লেখ কৰিছে। 

দিছপুৰ আৰক্ষীয়ে ২৭ডিচেম্বৰত হত্যাকাণ্ডৰ
অভিযোগনামা দাখিল কৰিছিল।যোৱা বৰ্ষৰ ২৬অক্টোবৰৰ পুৱা তলাবন্ধ কোঠাৰ ভিতৰত তেজেৰে লুতুৰি-পুতুৰি অৱস্থাত বৰুৱা দম্পতীৰ মৃতদেহ উদ্ধাৰ হৈছিল।