লংকাৰ ফুলতলীত শিল্পী দিৱস উদযাপন

নিউজ ডেস্ক :

আজি শিল্পী দিৱস। সমগ্ৰ ৰাজ্যৰ বিভিন্ন প্ৰান্তৰ লগতে লংকাৰ ফুলতলীত উদালী নাগৰিক মঞ্চৰ ব্যৱস্থাপনাত শিল্পী দিৱসৰ লগত সংগতি ৰাখি অনুষ্ঠিত কৰা হয় অভিনন্দন আৰু সম্বৰ্দ্ধনা অনুষ্ঠানৰ। উক্ত অনুষ্ঠানত লংকাৰ বিভিন্ন প্ৰান্তৰ গণ্য মান্য স্বনামধন্য লোকসকল উপস্থিত থাকে। উক্ত অনুষ্ঠানতেই লংকাৰ বিভিন্ন প্ৰান্তৰ নৱ প্ৰজন্মৰ ডাক্তৰ, শিক্ষা গুৰু আৰু শিল্পী, সমাজকৰ্মী আৰু অসমৰ বিভিন্ন প্ৰান্তৰ পৰা আহি লংকাত শিক্ষা আগবঢ়োৱা টেটৰ শিক্ষক সকলক সম্বৰ্দ্ধনা জনোৱা হয়। উক্ত অনুষ্ঠানত বিশিষ্ট ব্যক্তি হিচাপে উপস্হিত থাকে লংকা মহাবিদ্যালয়ৰ প্ৰাক্তন অৱসৰ প্ৰাপ্ত অধ্যক্ষ। উক্ত গাম্ভীৰ্যপূৰ্ণ অনুষ্ঠানত লংকাৰ বিশিষ্ট ব্যক্তি সকলে শিল্পী জ্যোতি প্ৰসাদ আগৰৱালাক স্মৰণ কৰাৰ লগতে তেওঁৰ জীৱনৰাজিৰ ওপৰত আলোকপাত কৰা পৰিলক্ষিত হয়।