সুদক্ষ আৰক্ষী বিষয়া মস্কো শইকীয়াৰ দেহাৱসান

নিউজ ডেস্ক:
সুদক্ষ আৰক্ষী বিষয়া মস্কো শইকীয়া আৰু নাই ৷ মঙলদৈ সদৰ থানাৰ আৰক্ষী পৰিদৰ্শকৰূপে কৰ্মৰত মস্কো শইকীয়াই দায়িত্ব পালন কৰি থকা অৱস্থাতেই শনিবাৰে নিশা প্ৰায় ৮.৩০ বজাত উচ্চ ৰক্তচাপজনিত ৰোগত আক্ৰান্ত হয় ৷ ততাতৈয়াকৈ শইকীয়াক গুৱাহাটী চিকিৎসা মহাবিদ্যালয় হাস্পতালত ভৰ্তি কৰোৱা হয় যদিও নিশাৰ ভাগত স্বাস্থ্যৰ অধিক অৱনতি ঘটে আৰক্ষী বিষয়াগৰাকীৰ ৷ চিকিৎসাধীন অৱস্থাতে হৃদযন্ত্ৰৰ ক্ৰিয়া বন্ধ হৈ শেষ নিশ্বাস ত্যাগ কৰে মস্কো শইকীয়াই ।
এইগৰাকী সুদক্ষ আৰক্ষী বিষয়াৰ মৃত্যুত গৃহভূমি কলিয়াবৰৰ লগতে কৰ্মক্ষেত্ৰ মঙলদৈতো গভীৰ শোকৰ ছাঁ পৰিছে ।