নগালেণ্ডৰ ম'ন জিলাত দহ ঘন্টীয়া সৰ্বাত্মক বন্ধ ঘোষণা

নিউজ ডেস্ক:
পুনৰ উত্তপ্ত পৰিস্হিতিৰ সৃষ্টি হৈছে নাগালেণ্ডৰ ম'ন জিলাত । তিৰুৰ ঘটনাকলৈ জ্বলিছে নগালেণ্ড । পুনৰ এদিনৰ কাৰণে বন্ধ ঘোষণা নাগালেণ্ডৰ মন জিলাত ৷ জানিব পৰা মতে, ১৬ ডিচেম্বৰ অৰ্থাৎ আজি কন্যাক স্টুডেণ্ট ইউনিয়নে বন্ধ ঘোষণা কৰিছে মʼন জিলাত ৷ আজি পুৱা৬ বজাৰ পৰা বিয়লি ৪ বজালৈ বন্ধ থাকিব ম'ন জিলা ।
অৱশ্যে জৰুৰীকালীন সেৱাসমূহক এই বন্ধৰ পৰা ৰেহাই দিয়া হৈছে বুলি কন্যাক ষ্টুডেণ্ট ইউনিয়নৰ সহকাৰী সম্পাদক টাও আঙৰ স্বাক্ষৰিত এক প্ৰেছ বাৰ্তা যোগে জানিব দিয়ে ৷
উল্লেখ্য যে, ৪ ডিচেম্বৰৰ মাজনিশা নাগালেণ্ডৰ মন জিলাৰ তিৰু আৰু অ’টিং বস্তিৰ সীমাত সংঘটিত হয় এক উত্তপ্ত পৰিস্থিতি ।