জিৰণি নোলোৱাকৈ অব্যাহত থাকিব বিকাশৰ ধাৰা : মুখ্যমন্ত্রী হিমন্ত বিশ্ব শৰ্মা

নিউজ ডেস্ক:
 উপ-নিৰ্বাচনত পাঁচটা সমষ্টিতে বিজেপি মিত্রজোঁটৰ প্ৰ‍াৰ্থীক জয়যুক্ত কৰাৰ বাবে ভোটাৰ ৰাইজক ধন্যবাদ আৰু কৃতজ্ঞতা জনালে মুখ্যমন্ত্রী হিমন্ত বিশ্ব শৰ্মাই । উপ-নিৰ্বাচনৰ ফলাফল ওলোৱাৰ পাছতেই গুৱাহাটীৰ হেঙেৰাবাৰীস্থিত ৰাজ্যিক বিজেপিৰ মুখ্য কাৰ্যালয়ত এখন সংবাদমেল সম্বোধন কৰি মুখ্যমন্ত্রী হিমন্ত বিশ্ব শৰ্মাই সকলোকে কৃতজ্ঞতা জনায় ।
ৰাইজে আমাক জিৰণি লোৱাৰ বাবে ভোট দিয়া নাই বুলি উল্লেখ কৰি তেওঁ কয় যে , 'আমি জিৰণি নোলোৱাকৈ ৰাইজৰ সেৱা কৰি যাম । আমাৰ দল জনতাৰ সেৱাৰ বাবে উৎসৰ্গিত । পাঁচমাহৰ এই চৰকাৰখনক ৰাইজে মৰম দিছে, সমৰ্থন কৰিছে । তাৰ বাবে আমি ৰাইজক কৃতজ্ঞতা জনাইছো ।'