নলবাৰীত বিশিষ্ট ক্ৰীড়াবিদ চুম্বিত মল্ল বুজৰবৰুৱাৰ গ্ৰন্থ উন্মোচন

 
নিউজ ডেস্ক:
ৰাইটাৰ্চ ফ’ৰাম,অসম,নৰ্থ কামৰুপ স্পোৰ্টিং ক্লাব,দক্ষিণ নলবাৰী শাখা সাহিত্য সভা আৰু চান্দকুছি দুৰ্গা মন্দিৰ সেৱায়িত ৰাইজৰ সন্মিলিত উদ্যোগত বিশিষ্ট ক্ৰীড়াবিদ,সমাজ সুহৃদ প্ৰাজ্ঞ প্ৰবীণ চুম্বিত মল্ল বুজৰ বৰুৱাক ৰবিবাৰে  ৰাজহুৱা অভিনন্দন জনোৱা হয় আৰু গ্ৰন্থ উন্মোচনী সভা এখন অনুষ্ঠিত কৰা  হয় ।

চান্দকুছি দুৰ্গা মন্দিৰ প্ৰাংগণত অনুষ্ঠিত হোৱা সভাত ৰাতিপুৱা শ্ৰদ্ধাঞ্জলি আৰু বন্তি প্ৰজ্বলনৰ পিছতে গ্ৰন্থ উন্মোচনী আৰু অভিনন্দিত সভাৰ পৌৰহিত্য কৰে নলবাৰী জিলা সাহিত্য সভাৰ সভাপতি তথা বিশিষ্ট সাংবাদিক ধ্ৰুৱজোতি শৰ্মাই  ।অনুষ্ঠানটোৰ আঁত ধৰে জোন কুমাৰ বৰ্মন আৰু প্ৰনৱ মল্ল বুজৰ বৰুৱাই ।
অনুষ্ঠানটোত অসম কৃষি বিশ্ববিদ্যালয়ৰ প্ৰাক্তন উপাচাৰ্য ড° কমল মল্ল বুজৰ বৰুৱা, বিশিষ্ট সাহিত্যিক জগদীশ পাটগিৰী। ভাৰতীয় জনতা পাৰ্টীৰ সাংগঠনিক সম্পাদক ফনীন্দ্ৰ নাথ শৰ্মা, বিধায়ক জয়ন্ত মল্ল বৰুৱা,  পত্নী জুলি ডেকা বৰুৱা প্ৰমুখ্যে বহু কেইজন বিশিষ্ট ব্যক্তি উপস্থিত থাকে। নলবাৰী জিলা ক্ৰীড়া সন্থা, নলবাৰী জিলা সাহিত্য সভাৰ লগতে কেইবাটাও অনুষ্ঠানৰ প্ৰতিষ্ঠান লগতে  ৫০টাৰো অধিক প্ৰতিষ্ঠানে ৰাজহুৱা ভাৱে সম্বৰ্ধনা জ্ঞাপন কৰে ।