জনপ্ৰিয় অভিনেতা তপন দাসলৈ ২০২১ বৰ্ষৰ জগন্নাথ ঠাকুৰ সাহিত্য সন্মান

নিউজ ডেস্ক:

অসমীয়া গল্পসাহিত্যৰ ক্ষেত্ৰখনলৈ চাৰিটা দশক ধৰি উল্লেখযোগ্য অৱদান আগবঢ়োৱা বিশিষ্ট গল্পকাৰ ,অভিনেতা তপন দাসক প্ৰদান কৰা হ’ব "জগন্নাথ ঠাকুৰ সাহিত্য সন্মান" ।এক প্ৰেছ বিবৃতি যোগে এই কথা ঘোষনা কৰে জগন্নাথ ঠাকুৰ স্মৃতি ন্যাসে ।অহা ৮ নৱেম্বৰ তাৰিখে গুৱাহাটীত এই বঁটা প্ৰদান কৰা হ'ব বুলি ন্যাসে ঘোষণা কৰে ।
এই বঁটাত আছে এটা স্মাৰক, এখন প্ৰশস্তি পত্ৰ আৰু নগদ পঞ্চাছ হাজাৰ টকা। উল্লেখযোগ্য যে অসম অসামৰিক সেৱাৰ এগৰাকী দক্ষ বিষয়া হিচাপে সততাৰে কাৰ্যনিৰ্বাহ কৰা জগন্নাথ ঠাকুৰৰ নামত এই বঁটা প্ৰদান কৰা হ'ব । এই বৰ্ষৰ বাবে নিৰ্বাচিত হোৱা বিশিষ্ট গল্পকাৰ তথা অভিনেতা তপন দাসলৈ। অসমীয়া গল্পৰ ক্ষেত্ৰখনলৈ তেওঁ আগবঢ়োৱা সামগ্ৰিক অৱদানৰ বাবে তেওঁক এই বঁটা প্ৰদান কৰা হ'ব বুলি প্ৰকাশ কৰে জগন্নাথ ঠাকুৰ স্মৃতি ন্যাসে ।