মাৰ্ঘেৰিটাত বন্যহস্তীৰ তাণ্ডৱ ,লণ্ড ভণ্ড কৰিলে ঘৰ

নিউজ ডেস্ক:
মাৰ্ঘেৰিটা ২নং মাকুম পথাৰ গাঁৱত পুৱতি নিশা অহা এটা  বন্যহস্তীয়ে অঞ্চলটোত সন্ত্ৰাসৰ  সৃষ্টি কৰে।  উল্লেখ্য যে মাৰ্ঘেৰিটা বনবিভাগৰ অন্তৰ্গত ২নং মাকুম পথাৰৰ ৩টা বাসগৃহ বন্যহস্তীটোৱে সম্পূৰ্ণ লণ্ডভণ্ড কৰে। মায়াৰাম গোৱালা, সুনিল খাৰীয়া আৰু প্ৰিয়ঙ্কা নাগৰ ঘৰ লণ্ডভণ্ড কৰে হাতীয়ে। ইয়াৰ পূৰ্বেও ব্যক্তিকেইগৰাকীৰ বাসগৃহ ৮-৯ বাৰ পৰ্য্যন্ত খাদ্যসন্ধানত নামি  অহা বন্যহস্তীয়ে লণ্ডভণ্ড কৰিছিল ।  বনবিভাগক এই বিষয়ে অৱগত কৰা হৈছিল যদিও বিভাগটোৱে কোনো ধৰণৰ গুৰুত্ব নিদিয়াত  ক্ষুণ্ণ  হৈ পৰিছে ব্যক্তিকেইগৰাকী ।
ইয়াৰ ওপৰিও অঞ্চলটোৰ ৰাইজে বন্যহস্তীৰ সন্ত্ৰাসত বিনিদ্ৰ ৰজনী কটাব লগা হোৱাৰ উপৰিও বহুকেইজন লোকে  প্ৰাণ হেৰুওৱাৰ  লগতে  আঘাতপ্ৰাপ্ত হৈ চিকিৎসাধীন হ’ব লগা হৈছে । বনবিভাগৰ অমনোযোগিতাৰ বাবেই এই ঘটনা হ'বলৈ পালে বুলি দাবী কৰে ক্ষুদ্ধ ৰাইজে ।