দেৱী দুৰ্গাৰ আশীৰ্বাদত গোসাইগাওঁ সমষ্টিত জয়ী হ’ব বিপিএফ প্ৰাৰ্থী : হাগ্ৰামা মহিলাৰী

নিউজ ডেস্ক:
আজি মহানৱমী । মহানৱমী উপলক্ষে কোকৰাঝাৰ সদৰ চহৰৰ পাথৰঘাট, সুভাষপল্লী আদিকে ধৰি চাৰিটা পূজা মণ্ডপ পৰিভ্ৰমণ কৰি দেৱী দুৰ্গাৰ আশীষ ল’লে বিটিচিৰ প্ৰাক্তন মুখ্য কাৰ্যবাহী সদস্য তথা বিপিএফ দলৰ সভাপতি হাগ্ৰামা মহিলাৰীয়ে ৷

দেৱী দুৰ্গাৰ আশীষ লৈ হাগ্ৰামা মহিলাৰীয়ে মন্তব্য কৰে যে " বিটিচি অঞ্চলৰ লগতে অসমত বসৱাস কৰা প্ৰতিটো জাতি জনগোষ্ঠীৰ মাজত শান্তি সম্প্ৰীতি আৰু ভ্ৰাতৃত্ববোধ যাতে অক্ষুণ্ণ থাকে ।" লগতে তেওঁ কয় 'দেৱী দুৰ্গাৰ আৰ্শীবাদতে উপ- নিৰ্বাচনত গোসাঁইগাঁও সমষ্টিত বিপিএফ দলৰ প্ৰাৰ্থীয়ে জিকিব।'
উল্লেখ্য যে, গোসাঁইগাঁও সমষ্টিত বিপিএফ দলে ধ্ৰুৱ কুমাৰ ব্ৰহ্ম নাৰ্জাৰীক দলীয় প্ৰাৰ্থী হিচাপে ঘোষণা কৰিছে ৷