অসম কন্যা বক্সাৰ লাভলীনাই পদক পাব খাটাং- অখিল গগৈ

টকিঅ’ অলিম্পিকত ভাৰতক প্ৰতিনিধিত্ব কৰিব লগা অসম কন্যা বক্সাৰ লাভলীনা বৰগোঁহাইক উৎসাহিত কৰাৰ উদ্দেশ্যেৰে শাসক- বিৰোধী উভয় পক্ষই ভাগ লয় “গৌ ফৰ গ্লোৰি" শীৰ্ষক চাইকেল ৰেলীত ৷ উক্ত চাইকেল ৰেলীত অংশ গ্ৰহণ কৰি ৰাইজৰ দলৰ সভাপতি তথা শিৱসাগৰৰ বিধায়ক অখিল গগৈয়ে কয়- লাভলীনাই এটাতো  পদক পাব নিশ্চিত। কিন্তু আশা কৰিছোঁ চেম্পিয়ন হওঁক'।

উল্লেখ্য অসমৰপৰা  অলিম্পিকত যোগদান কৰিবলৈ সুযোগ পোৱা প্ৰথমগৰাকী মহিলা লাভলীনাৰ অলিম্পিক যাত্ৰা সফল হ’বলৈ শুভেচ্ছা জনাই গগৈয়ে।

“লাভলীনা অসমীয়াৰ গৌৰৱ ৷ অসমক বিশ্বত জিলিকাই তোলক। “টিম আসাম” হিচাপে ৰেলীত অংশগ্ৰহণ কৰিলো”- গগৈয়ে কয়।

আনহাতে, চাইক ধন্যবাদ জনাই বিধায়ক গগৈয়ে কয়- গাঁৱৰ পৰা প্ৰতিভাসমূহ উলিয়াই অনাত চাই সক্ষম হৈছে।

লাভলীনাক উৎসাহিত কৰি গগৈয়ে কয়-“পিছলৈ নাচায় কেৱল আগলৈ চাওঁক। আহোমসকলৰ এটা নিয়ম আছে তললৈ নহয় ওপৰলৈ চায় উপৰি-পুৰুষক সেৱা কৰে”।