চিৰাং জিলাৰ বিজনীৰ ওচৰৰ কাৱাটিকা চাৰিআলিত ৩০ লক্ষাধিক টকাৰ ড্ৰাগছ উদ্ধাৰ, আটক কৰা হ’ল এজন সৰবৰাহকাৰীক

৫ জুলাই তাৰিখে চিৰাং জিলাৰ বিজনীৰ নিকটৱৰ্তী কাৱাটিকা চাৰিআলিত আৰক্ষীৰ অভিযানত ৩০ লক্ষাধিক টকাৰ ড্ৰাগছসহ এজন সৰবৰাহকাৰীক আটক কৰা হয়।

উল্লেখ্য যে, আৰক্ষীয়ে গণি এণ্টাৰপ্ৰাইজ নামৰ ষ্টেচনাৰী দোকান এখনৰ পৰা ১৪১ গ্ৰাম ওজনৰ এই ড্ৰাগছৰ দুটাকৈ পেকেট জব্দ কৰে ৷ ইয়াৰোপৰি উক্ত ব্যৱসায়িক প্ৰতিষ্ঠানৰ স্বত্বাধিকাৰী-ড্ৰাগছ সৰবৰাহকাৰী ২৫ বছৰ বয়সৰ মাকমাদুল হাছান নামৰ যুৱক জনক আটক কৰে ৷ জানিব পৰা অনুসৰি, ড্ৰাগছ সৰবৰাহকাৰীজনৰ ঘৰ বঙাইগাঁৱৰ গৰাইমাৰীত ৷