ৰূপজ্যোতি কুৰ্মীয়ে প্ৰতাৰণা-বিশ্বাসঘাটকতা কৰিছে, তাক আমি হৰুৱাম- অখিল গগৈ

মৰিয়নিৰ চেলেংহাটৰ মাতৃগৃহত উপস্থিত হৈ অখিল গগৈয়ে তীক্ষ্ণ ভাষাৰে সমালোচনা কৰে ৰূপজ্যোতি কুর্মীক।বিজেপিত যোগদান কৰি মৰিয়নিবাসীক বিশ্বাসঘাটকতা কৰিলে। উপ-নির্বাচনত ইয়াৰ পোটক তোলা হ’ব।ৰূপজ্যোতিক পৰাস্ত কৰিবলৈ সৰ্বতোপ্ৰকাৰে চেষ্টা চলাব বুলিও শিৱসাগৰৰ বিধায়ক গৰাকীয়ে কয়।

মাতৃক কাষত লৈ অখিলে হুংকাৰ দি কয়- “ৰূপজ্যোতি ভাইৰ দৰে। সি ভুল কৰিছে আৰু সেই বাবে তাক আমি মৰিয়নিত হৰুৱাম। সমষ্টিবাসীয়ে ৰূপজ্যোতিৰ প্ৰতাৰণা-বিশ্বাসঘাটকতা বিচাৰ কৰিব মোৰ বিশ্বাস"।

“ৰূপজ্যোতিক ভাইটি হিচাপে মইও ভাবো। ব্যক্তিগত সম্পৰ্ক থাকিব। কিন্তু ৰাজনৈতিক ভাৱে যি কাৰণত জিকাইছিলোঁ তাৰ সম্পূৰ্ণ ওলোটা হ’ল। বিশ্বাঘাটকতাৰ পোতক তুলিম।ভুলৰ প্ৰায়শ্চিত্ত কৰিব লাগিব"- মৰিয়নিত উপস্থিত হৈ বিধায়ক অখিলে কয়।

উল্লেখ্য যে কংগ্ৰেছৰ পৰা মৰিয়নি সমষ্টিত প্ৰতিদ্বন্দ্ব্বিতা আগবঢ়াই বিধায়ক হিচাপে নিৰ্বাচিত হৈ কুর্মীয়ে কেইদিনমানৰ পূৰ্বে বিজেপিত যোগদান কৰিছে।