অসম ৰাজ্যিক চিৰিয়াখানালৈ অনা হ’ব নতুনকৈ ৪টা জেব্ৰা

অসমে দুটা ব্লেক পেন্থাৰ দিয়াৰ বিনিময়ত ইজৰাইলে অসম ৰাজ্যিক চিৰিয়াখানালৈ প্ৰেৰণ কৰিব ৪টা জেব্ৰা। জেব্ৰা কেইটা অতি শীঘ্ৰেই চেক’শ্লভেকিয়া আৰু ইজৰাইলৰপৰা আহিব বুলি অসমৰ বন মন্ত্ৰী পৰিমল শুক্লবৈদ্যই প্ৰকাশ কৰিছে। তেওঁ লগতে কয় যে এই সন্দৰ্ভত ইতিমধ্যে সংশ্লিষ্ট পক্ষৰ সৈতে বুজা-বুজি চুক্তি স্বাক্ষৰিত হৈ গৈছে।

উল্লেখ্য যে জেব্ৰা কেইটাৰ বাবে ইতিমধ্যে অসম ৰাজ্যিক চিৰিয়াখানাত যাৱতীয় সকলো প্ৰস্তুতি সম্পন্ন কৰা হৈছে । লক্ষণীয় কথা এইটো হ’ব যে জেব্ৰা কেইটাক সকলো প্ৰয়োজনীয় সুবিধাৰ সৈতে সুস্বাস্থ্যৰে ৰাখিব পাৰিবনে অসম ৰাজ্যিক চিৰিয়াখানায়ে নে পূৰ্বৰ আন বহুবোৰ জীৱ-জন্তুৰ দৰে মৰণৰ ক্ষণ গণিব লাগিব ৷