সাংবাদিক-সংবাদকৰ্মীক মাস্ক,চেনিটাইজাৰ বিতৰণ পূব গুৱাহাটী প্ৰেছ ক্লাবৰ

গুৱাহাটী১৮ মে’: ক’ৰ’না মহামাৰীৰ জটিল পৰিস্থিতিৰ মাজতো ক’ভিড বিৰোধী যুঁজত প্ৰথম শাৰীৰ ক’ভিড যোদ্ধা হিচাপে অৱতীৰ্ণ হোৱা নাৰেংগী,নুনমাটি, মঠঘৰীয়া, ফৰেষ্টগেট,বৰবাৰী,লিচুবাগান,বোন্দা,চান্দমাৰী,সাতগাওঁ আদি অঞ্চলৰ একাংশ সাংবাদিক আৰু সংবাদকৰ্মীক পূব গুৱাহাটী প্ৰেছ ক্লাবৰ তৰফৰ পৰা মাস্ক আৰু চেনিটাইজাৰ বিতৰণ কৰা হয়। হিন্দু জাগৰণ মঞ্চ,অসমৰ মহানগৰ সমিতি আৰু মাৰোৱাৰী সন্মিলন   মহিলা শাখাৰ সহযোগত পূব গুৱাহাটী প্ৰেছ ক্লাব প্ৰাংগণত আয়োজন কৰা এক অনুষ্টুপীয়া অনুষ্ঠান যোগে সাংবাদিক সকলক  মাস্ক,চেনিটাইজাৰ বিতৰণ কৰে ক্লাবৰ কৰ্মকৰ্তা সকলে। পূব গুৱাহাটী প্ৰেছ ক্লাবৰ সাধাৰণ সম্পাদক মনোজ কুমাৰ ডেকাই আঁত ধৰা অনুষ্ঠানত ক্লাবৰ সভাপতি চামচুল ৰহমান,কাৰ্যকৰী সভাপতি গোকুল তালুকদাৰ, জয়ন্ত দাস,অনুপ বৈশ্য,পল শীল আদি উপস্থিত থাকে।

ইফালে পূব গুৱাহাটী প্ৰেছ ক্লাৱৰ আহ্বান মৰ্মে আজি পুৱাৰ ভাগত নৱজ্যোতি ক্লাবৰ সম্পাদক নৃপেন লহকৰে নাৰেংগী স্থিত পূব গুৱাহাটী প্ৰেছ ক্লাবৰ কাৰ্য্যালয়ৰ লগতে চৌপাশৰ দোকান -পোহাৰ সমূহ চেনিটাইজ কৰাৰ ব্যৱস্থ কৰে।