এটা দিনত কামৰূপ(ম)জিলাত ক'ভিড আক্রান্ত ১১৫৩জন:মঙলবাৰৰ পৰা সকলো শিক্ষানুষ্ঠান,হোষ্টেল ১৫দিনলৈ বন্ধ

কামৰূপ মহানগৰ জিলাত দ্ৰুত গতিত বৃদ্ধি ক'ৰ'না।সোমবাৰৰ দিনটোত আক্রান্তৰ সংখ্যাই পূৰ্বৰ সকলো অভিলেখ ভংগ কৰিলে।এটা দিনত আক্রান্তৰ সংখ্যাই হাজাৰৰ ঘৰ অতিক্ৰম কৰিলে।দিনটোত জিলাখনত আক্রান্ত হৈছে ১১৫৩জন।

উল্লেখ যে চৰকাৰৰ পূৰ্বৰ নিৰ্দেশ অনুসৰি আক্রান্তৰ সংখ্যাই এহাজাৰৰ ঘৰ অতিক্ৰম কৰাৰ লগে লগে জিলাখনত মঙলবাৰৰ পৰা সকলো চৰকাৰী-বেচৰকাৰী শিক্ষানুষ্ঠান, কলেজ-বিশ্ববিদ্যালয় আৰু কোচিং চেণ্টাৰ, হোষ্টেল ১৫ দিনলৈ বন্ধ ৰখাৰ নিৰ্দেশ।টুইট যোগে জিলা উপায়ুক্তক নিৰ্দেশ মন্ত্ৰী ডঃ হিমন্ত বিশ্ব শৰ্মাৰ।

গুৰুত্বপূৰ্ণ যে বৰ্তমানলৈ সমগ্র জিলাখনত ৫০শতাংশ ছাত্ৰ-ছাত্ৰীৰ উপস্থিতিত শিক্ষানুষ্ঠানসমূহ পৰিচালিত হৈছিল।