জ্যেষ্ঠ সাংবাদিক প্ৰশান্ত ৰাজগুৰুক ২০২০বৰ্ষৰ শ্বহীদ মোজম্মিল হক বঁটা প্ৰদান

বিগত বৰ্ষসমূহৰ দৰে সদৌ অসম গৰিয়া যুৱ-ছাত্ৰ পৰিষদে চলিত বৰ্ষতো বুধবাৰে প্ৰদান কৰে শ্বহীদ মোজাম্মিল হক সোঁৱৰণী বঁটা।গুৱাহাটী প্ৰেছ ক্লাবত সংগঠনটোৱে জ্যেষ্ঠ সাংবাদিক প্ৰশান্ত ৰাজগুৰুক প্ৰদান কৰে ২০২০ বৰ্ষৰ শ্বহীদ মোজাম্মিল হক সোঁৱৰণী বঁটা।

ইয়াৰ উপৰিও গাম্ভীৰ্যপূৰ্ণ বঁটা প্ৰদান অনুষ্ঠানতে জ্যেষ্ঠ অধিবক্তা নেকিবুৰ জামানক বাঘ হাজৰিকা ওৰফে ইছমাইল ছিদ্দিকী সম্প্ৰীতি বঁটা আগবঢ়ায়।সমাজ সংগঠন নুৰুল হকক এম ইব্ৰাহীম আলী বঁটা আগবঢ়াই সংগঠনটোৱে।বঁটাত আছে নগদ ধন,চেলেং, শৰাই,মানপত্ৰ।

জিকিৰ-জাৰিৰে শুভাৰম্ভ হোৱা বঁটা প্ৰদান অনুষ্ঠানত সভাপতিত্ব কৰে ডঃভুৱনেশ্বৰ ডেকাই।

উল্লেখ যে সংবাদ জগতৰ সৈতে প্ৰত্যক্ষভাৱে জড়িত হৈ সমাজ জীৱনৰ প্ৰতি আগবঢ়োৱা অৱদানৰ বাবে ৰাজগুৰুক ২০২০বৰ্ষৰ এই বঁটা প্ৰদান কৰা বুলি  জানিবলৈ দিয়ে সংগঠনটোৰ উপ-সভাপতি আজিজুৰ ৰহমানে।

বঁটা প্ৰদান অনুষ্ঠানটোত উপস্থিত থাকে পৰিষদৰ সভাপতি মকবুল হুছেইন,গুৱাহাটী প্ৰেছ ক্লাবৰ সভাপতি মনোজ নাথ প্ৰমুখ্যে বহুকেইজন গণমান্য ব্যক্তি।