গুৱাহাটীৰ শ্ৰদ্ধাঞ্জলি কাননত শ্বহীদক শ্ৰদ্ধাঞ্জলি মুখ্যমন্ত্ৰী সোণোৱালৰ

দেশৰ ৭৪ সংখ্যক স্বাধীনতা দিৱসৰ শুভ মুহূৰ্তত গুৱাহাটীৰ শ্ৰদ্ধাঞ্জলি কাননত শ্বহীদক শ্ৰদ্ধাঞ্জলি মুখ্যমন্ত্ৰী সৰ্বানন্দ সোণোৱালৰ।দেশৰ বাবে শ্বহীদ হোৱা প্ৰতিগৰাকী বীৰ-বীৰাংগনাক শ্রদ্ধা জনালে সোণোৱালে।

"মহান বীৰ-বীৰাংগনাসকলৰ অতুলনীয় ত্যাগ, বীৰত্ব আৰু স্বদেশপ্ৰেমেৰে দীপ্তিমান দেশৰ স্বাধীনতা দিৱসৰ গৌৰৱময় ইতিহাস"-সোণোৱালে কয়।লগতে,তেওঁ কয় যে  শ্বহীদসকলৰ আত্ম বলিদানে যুগে যুগে দেশবাসীক উদ্বুদ্ধ কৰি যাব।

উল্লেখ যে ক'ৰ'না ভাইৰাছৰ বাবে পূৰ্বতকৈ কিছু বাধ্য-বাধকতাৰ মাজত আয়োজিত হৈছে দেশৰ ৭৪সংখ্যক স্বাধীনতা দিৱস।গুৱাহাটীৰ জজ খেলপথাৰত ৰাজ্য চৰকাৰে কেন্দ্ৰীয়ভাৱে অনুষ্ঠিত কৰা স্বাধীনতা দিৱসৰ কাৰ্যসূচীত সকলো সাংস্কৃতিক অনুষ্ঠান বাতিল কৰা হয়।