জামুগুৰিহাটত চুলাইৰ ভাতী উচ্ছেদ

জামুগুৰিহাটৰ পৰা চন্দন শৰ্মা:

শোণিতপুৰ জিলাৰ জামুগুৰি থানাৰ ভাৰপ্ৰাপ্ত বিষয়া মাণিক বৰমুদৈৰ নেতৃত্বত যোৱা আৰক্ষীৰ দলে দেওবাৰে সন্ধিয়া আমডৰা আৰু পাণপুৰ অঞ্চলত অভিযান চলাই চাৰিটা চুলাই মদৰ ভাতী উচ্ছেদ কৰাৰ লগতে প্ৰায় দহ হেজাৰ লিটাৰ অবৈধ চুলাই নষ্ট কৰে। আৰক্ষীৰ অভিযানৰ উমান পাই চুলাইৰ ভাতীৰ গৰাকী পলাই পত্ৰং দিয়ে।আৰক্ষীৰ দলটোৱে চুলাই প্ৰস্তুত কৰা বিভিন্ন সা-সামগ্ৰী জব্দ কৰি থানালৈ নিয়ে।আৰক্ষী বিষয়াগৰাকীয়ে জনোৱা মতে অবৈধ চুলাই প্ৰস্তুত কৰা ভাতীৰ গৰাকীসকলক আৰক্ষী থানাত হাজিৰ হ'বলৈ নিৰ্দেশ দিয়া হৈছে ।