ডিব্ৰুগড়ৰ হিলৈধাৰী-ৰাজগড় পথত যুৱকৰ মৃতদেহ উদ্ধাৰ

ডিব্ৰুগড় : ডিব্ৰুগড়ৰ মাইজানস্থিত হিলৈধাৰী-ৰাজগড় পথত উদ্ধাৰ হয় এটা অচিনাক্ত মৃতদেহ । শুকুৰবাৰে হিলৈধাৰী-ৰাজগড় পথটোৰ কাষৰ এটা পুখুৰীত উদ্ধাৰ হয় প্ৰায় ২৫ বছৰীয়া যুৱকৰ এটা মৃতদেহ। পুখুৰীত তল মুৰ কৰি পৰি থকা অৱস্থাত স্থানীয় ৰাইজে প্ৰত্যক্ষ কৰে মৃতদেহটো । ৰাইজে ঘটনা সন্দৰ্ভত ততাতয়াকৈ আৰক্ষীক খবৰ দিয়াত ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰাৰ লগতে ঘটনা সন্দৰ্ভত তদন্ত আৰম্ভ কৰে ৷ এয়া কোনো পৰিকল্পিত হত্যাকাণ্ড নে অসাৱধানতাবশত: পুখুৰীত পৰি যুৱকজনৰ মৃত্যু ঘটিছে,সেয়া বৰ্তমান পৰ্যন্ত জানিব পৰা হোৱা নাই।