চিৰাং জিলাৰ বিজনীত ড্ৰাগছসহ সৰবৰাহকাৰী আটক

বঙাইগাঁৱৰ প্ৰতিবেদক: চিৰাং জিলাৰ বিজনীত ড্ৰাগছৰ বেহা অব্যাহত থকাৰ বাতৰি সঘনে প্ৰকাশ পাই থকাৰ পিছতো ড্ৰাগছ ব্যৱসায়ীসকলে এই বেহা অব্যাহত ৰাখিছে।আনহাতে ইয়াৰ সমান্তৰালকৈ বিজনী আৰক্ষীয়ে ড্ৰাগছৰ বেহাৰ বিৰুদ্ধে অভিযানো চলাই আছে।এই অভিযানৰ মাজতে বুধবাৰে নিশা বঙাইগাওঁ জিলাৰ ১নং নাচনকুৰীৰ ৩১ নং ৰাষ্ট্ৰীয় ঘাইপথত বিজনী আৰক্ষীয়ে ড্ৰাগছসহ এজন যুৱকক হাতে -লোতে ধৰা পেলায়। আটকাধীন ড্ৰাগছ সৰবৰাহকাৰী যুৱকজনৰ নাম ইয়াছিন আলী( ২২) আৰু ঘৰ বঙাইগাঁও জিলাৰ ১ নং নাচনকুৰিত বুলি জানিব পৰা গৈছে ৷ বিজনী আৰক্ষীৰ অভিযানত আটক হোৱা যুৱকজনৰ পৰা আৰক্ষীয়ে ১৫ টা ড্ৰাগছভৰ্তি কন্টেনাৰ উদ্ধাৰ কৰে।যুৱকজনৰ পৰা উদ্ধাৰ হোৱা ১৫ টা কন্টেনাৰত ১.৯৪ গ্ৰাম ড্ৰাগছ আছিল ৷