বামুন্দী উচ্চ মাধ্যমিক বিদ্যালয়ৰ যুৱ মহোৎসৱ সম্পন্ন

হাজোৰ পৰা কমলাকান্ত দাস:

বুধবাৰে বামুন্দী উচ্চ মাধ্যমিক বিদ্যালয়ৰ যুৱ মহোৎসৱ,বঁটা বিতৰণী সভা আৰু ছাত্ৰ একতা সভাৰ বাৰ্ষিক অধিৱেশন অনুষ্ঠিত কৰা হয়।বিদ্যালয়খনৰ অৱসৰপ্ৰাপ্ত শিক্ষাগুৰু মাধৱ চন্দ্ৰ কলিতাৰ সভাপতিত্বত অনুষ্ঠিত মুকলি সভাত নিৰ্দিষ্ট বক্তা হিচাপে দমদমা উচ্চতৰ মাধ্যমিক বিদ্যালয়ৰ অধ্যক্ষ সূৰ্য কুমাৰ ভট্টাচাৰ্য, সন্মানীয় অতিথি হাজো ৰাজহ চক্ৰ বিষয়া কমল বৰুৱা,সদৌ কামৰূপ জিলা ছাত্ৰ সন্থাৰ সভাপতি দিবাকৰ কলিতা,বামুন্দী উচ্চ মাধ্যমিক বিদ্যালয়ৰ অৱসৰপ্ৰাপ্ত প্ৰধান শিক্ষকদ্বয় নগেন্দ্ৰ চন্দ্ৰ দাস,সূৰ্য্যকান্ত কলিতা, বিদ্যালয়ৰ বৰ্তমানৰ প্ৰধান শিক্ষক বিপুল কুমাৰ বৰা,শিক্ষাগুৰু আৰু শিক্ষাৰ্থীসকল,অভিভাৱকবৃন্দ আৰু স্থানীয় ৰাইজ উপস্থিত থাকে।উক্ত অনুষ্ঠানতে বিদ্যালযখনৰ প্ৰতিষ্ঠাৰ সাতটা দশক সম্পূৰ্ণ হোৱাৰ প্ৰাকক্ষণত হাজো বিধানসভা সমষ্টিৰ বিধায়িকা সুমন হৰিপ্ৰিয়াৰ প্ৰচেষ্টাত দ্বাদশ এমএছডিপি আঁচনিৰ অধীনত বিদ্যালয়খনৰ আন্ত:গাঠনি উন্নয়নৰ বাবে বিদ্যালয়ৰ নৱনিৰ্মিত ভৱনৰ নিৰ্মাণ কাৰ্যৰ শুভাৰম্ভ কৰা হয়।