বৰপেটাৰোডত নিশা পথ দুৰ্ঘটনা:৫ জন আহত

বৰপেটাৰোডৰ পৰা ৰঞ্জিত তালুকদাৰ: বৰপেটাৰোডৰ সমীপৰ ৩১ নম্বৰ ৰাষ্ট্ৰীয় ঘাইপথৰ শিমলাগুৰীত দেওবাৰে নিশা এটা ভয়ংকৰ পথ দুৰ্ঘটনা সংঘটিত হয়। AS11CC7844 নম্বৰৰ ৰৈ থকা ট্ৰাকত তীব্ৰবেগী AS16D5043 গ্ৰেণ্ড আই 10 গাড়ীখনে প্ৰচণ্ড খুন্দা মৰাৰ ফলতেই এই দুৰ্ঘটনাটো সংঘটিত হয়।এই পথ দুৰ্ঘটনাত শিশুসহ পাঁচজনকৈ লোক আহত হয়।আহত লোকসকল ক্ৰমে অনুপ দাস (৪০),সমীন্দ্ৰ দাস (৩০),গৰিমা পাটগিৰী (২৪),ৰিম্পী দাস (১১)আৰু জিশু দাস (৫)।ইয়াৰে অনুপ দাসৰ অৱস্থা সংকটজনক।অনুপ দাসক সংকটজনক অৱস্থাত গুৱাহাটীলৈ প্ৰেৰণ কৰা হয়।শিমলাগুৰীৰ এনআৰএল তেল ডিপোৰ সন্মুখত সংঘটিত হয় এই ভয়ংকৰ পথ দুৰ্ঘটনাটো।হাউলীত ৰাস চাই সপৰিয়ালে সৰভোগ আমগুৰীৰ নিজ গৃহাভিমুখে গৈ থকা অৱস্থাত নিয়ন্ত্ৰণ হেৰুৱাই পথৰ দাঁতিত ৰৈ থকা ট্ৰাকত পিছফালৰ পৰা প্ৰচণ্ড জোৰেৰে খুন্দা মাৰাৰ ফলত সংঘটিত হয় এই ভয়ংকৰ পথ দুৰ্ঘটনাটো।