দীপাৱলী উপলক্ষে অসম ৰাজ্যিক বিজেপিৰ হেঙেৰাবাৰীস্থিত মুখ্য কাৰ্যালয়ত দেওবাৰে অনুষ্ঠিত কৰা হয় 'পৰিয়াল মিলন' শীর্ষক গীত-নৃত্য আৰু প্ৰীতি ভোজৰ এটা অনুষ্ঠান।বিজেপিৰ ৰাজ্যিক নেতৃত্বৰ লগতে অনুষ্ঠানত উপস্থিত থাকে বিজেপি কর্মীসকল।দলটোৰ সভাপতি ৰঞ্জিত দাস,মুখ্যমন্ত্ৰী সৰ্বানন্দ সোণোৱাল, মুখ্যমন্ত্ৰীৰ প্ৰেছ উপদেষ্টা ঋষিকেশ গোস্বামী, মন্ত্ৰী পল্লৱ লোচন দাস 'পৰিয়াল মিলন' শীর্ষক অনুষ্ঠানত উপস্থিত থাকে।
উল্লেখ্য যে অনুষ্ঠানৰ আৰম্ভণিতে দীপাৱলীৰ লগত সংগতি ৰাখি দলটোৰ মুখ্য কাৰ্যালয়ৰ সন্মুখত বন্তি প্ৰজ্বলন কৰা হয়।উক্ত কাৰ্যসূচীত উপস্থিত থাকে দলটোৰ ৰাজ্যিক নেতৃত্বৰ লগতে কৰ্মকৰ্তাসকল।সকলোৱে পৰম্পৰাগত মাটিৰ চাকি জ্বলাই পোহৰাই তোলে দলটোৰ ৰাজ্যিক কাৰ্যালয়।
ইয়াৰ পিছতে কাৰ্যালয় চৌহদতে ৰাষ্ট্ৰীয় দলটোৰ ৰাজ্যিক সমিতিয়ে অনুষ্ঠিত কৰে পৰিয়াল মিলন কাৰ্যসূচীৰ অংশ হিচাপে গীতৰ অনুষ্ঠান।
অনুষ্ঠানত উপস্থিত থাকি সতীৰ্থসকলৰ মাজত গীত পৰিৱেশন কৰে বিজেপি সদস্য তথা শিল্পী কৃষ্ণমণি চুতীয়া, জিতুল সোনোৱাল, সীমান্ত শেখৰকে ধৰি বহুকেইজন শিল্পীয়ে।
- Log in to post comments
- 15 views
