৩৫খন গাড়ীসহ মহানগৰ আৰক্ষীৰ জালত দুধর্ষ গাড়ী চোৰ সঞ্জীৱ সিং:৪ মাহত ২৫০খন গাড়ী চুৰি

গুৱাহাটীত সক্রিয় আন্ত:ৰাষ্ট্ৰীয় গাড়ী চুৰি চক্ৰ।হাৰিয়ানাৰ পৰা নিয়ন্ত্ৰিত হোৱা এই গাড়ী চুৰি চক্ৰটোৱে ইতিমধ্যে
চাৰি মাহত গুৱাহাটীৰ পৰা চুৰি কৰিছে ২৫০খনকৈ গাড়ী।এই দুধর্ষ গাড়ী চুুৰি চক্ৰৰ কথা পোহৰলৈ আহিছে মহানগৰ আৰক্ষীয়ে নিউ জলপাইগুৰিৰ পৰা গ্ৰেপ্তাৰ কৰা গুৱাহাটীৰ নেতৃত্বত থকা সঞ্জীৱ সিঙক গ্ৰেপ্তাৰ কৰাৰ পিছতে।উল্লেখযোগ্য যে আন্ত:ৰাষ্ট্ৰীয় গাড়ী চুৰি চক্ৰ টোৱে প্ৰথমে  ট্ৰেভেল এজেন্সিৰ নামত ভাড়াত গাড়ী লৈ প্ৰথম দুই-তিনিমাহ গাড়ীৰ গৰাকীক ২০-২৫ হাজাৰ ভাড়া আদায় দিয়াৰ পিছত গোপনে বিক্ৰী কৰে গাড়ী।তাৰ পাছতে তেওঁলোকৰ মোবাইল নম্বৰ বন্ধ হৈ যায়।এই কথা প্ৰকাশ কৰিছে মহানগৰ আৰক্ষীৰ আয়ুক্ত দীপক কুমাৰে।

গুৰুত্বপূৰ্ণ কথা এই যে গুৱাহাটী আৰক্ষীয়ে গ্ৰেপ্তাৰ কৰা সঞ্জীৱ সিঙৰ এটা ট্ৰেভেল এজেন্সি আছে।তাতে ভাড়ালৈ বুলি লোৱা গাড়ীবোৰ গোপনে বিক্ৰী কৰে চক্ৰটোৱে।ইতিমধ্যে মহানগৰ আৰক্ষীয়ে চক্ৰটোৰ পৰা জব্দ কৰিছে প্ৰায় ৩৫খনকৈ গাড়ী।

ইফালে,আৰক্ষী আয়ুক্ত কুমাৰে প্ৰকাশ কৰা অনুসৰি- 'ট্ৰেভেল এজেন্সিৰ নামত গাড়ী ভাৰালৈ নিয়াৰ পিছত গৰাকীয়ে পুনৰ গাড়ী ঘূৰাই নোপোৱাত ভুক্তভুগী গাড়ীৰ গৰাকীয়ে আৰক্ষীৰ লগত যোগাযোগ কৰে।তাৰ পিছতে অভিযান আৰম্ভ কৰি সঞ্জীৱ সিংঙক গ্ৰেপ্তাৰ কৰা হৈছে'।বৰ্তমান তদন্তৰ প্ৰক্ৰিয়া অব্যাহত থকা বুলি উল্লেখ কৰি আয়ুক্তগৰাকীয়ে কয় 'গাড়ীসমূহ উদ্ধাৰ কৰা হ'ব।'

ইফালে,এই সমগ্ৰ ঘটনাৰ সৈতে জড়িত হৈ আছে মৰাণৰ লেনিন ফুকন গোলাঘাটৰ সুমেন দলে,বিকাশ বৰা আৰু গৌতম কাথাৰ।ইয়াৰে লেনিন ফুকনে মহানগৰীৰ জু-ৰোডৰ মহাবাহু ট্ৰেভেল এজেন্সিৰ নামটো লৈছিল বহুকেইখন গাড়ী।ইফালে বৰ্তমান সময়ত পলাতক অৱস্থাত আছে লেনিন ফুকন।