৩০ অক্টোবৰৰ বোমা বিস্ফোৰণত মৃত্যুবৰণ কৰাসকললৈ গুৱাহাটীত 'আছু'ৰ শ্ৰদ্ধাঞ্জলি

অভিশপ্ত ৩০ অক্টোবৰৰ ধাৰাবাহিক বোমা-বিস্ফোৰণত মৃত্যু হোৱা ৮৮ জন নিৰীহৰ প্ৰতি শ্ৰদ্ধাঞ্জলি আৰু আহতসকলৰ প্ৰতি সহমৰ্মিতা প্রদর্শন কৰি সদৌ অসম ছাত্ৰ সন্থাৰ উদ্যোগত বুধবাৰে ৰাজহুৱা শ্ৰদ্ধাঞ্জলি অনুষ্ঠান     অনুষ্ঠিত কৰা হয়।লতাশিল খেলপথাৰত বিগত বর্ষসমূহৰ দৰে বুধবাৰেও গুৱাহাটী 'আছু'ৰ উদ্যোগত সদৌ অসম ছাত্ৰ সন্থাই  কেন্দ্ৰীয়ভাৱে বন্তি  প্ৰজ্বলন কৰে।উক্ত বন্তি প্ৰজ্বলন অনুষ্ঠানত উপস্থিত থাকে সদৌ অসম ছাত্ৰ সন্থাৰ মুখ্য উপদেষ্টা ডঃ সমুজ্জ্বল কুমাৰ ভট্টাচাৰ্য, সভাপতি দীপাংক নাথ, সাধাৰণ সম্পাদক লুৰিণজ্যোতি গগৈ আৰু মহানগৰীৰ বিভিন্ন বিদ্যালয়-মহাবিদ্যালয়ৰ আছুৰ সদস্যসকল।