ক’ভিড যুঁজত নৰেন্দ্র মোদীৰ ভূমিকাৰ প্রশংসা কৰিলে বিশ্ব স্বাস্থ্য সংস্থাৰ প্ৰধানে। টিকাৰ সাম্যতাক সমর্থন কৰাৰ বাবে ভাৰতৰ প্রধানমন্ত্রীক ধন্যবাদ জনাইছে WHO-ৰ প্রধান টেড্রছ আডানম্ গেব্রিয়েছাছে
টুইটাৰত WHOৰ প্রধান টেড্রছ আডানম্ গেব্রিয়েছাছে লিখিছে,'ক’ভ্যাক্সৰ প্রতি আপোনাৰ দায়বদ্ধতা আৰু টিকাৰ সাম্যতাক সমর্থন জনোৱাৰ বাবে ধন্যবাদ প্রধানমন্ত্রী । আপোনাৰ দ্বাৰা পঠোৱা হোৱা ভেক্চিনে সহযোগিতা কৰিছে ৬০খন দেশক। সেই দেশসমূহত তেওঁলোকৰ স্বাস্থ্যকর্মী আৰু অন্যান্যসকলৰ টিকাকৰণ আৰম্ভ কৰিছে। আশা কৰো অন্য দেশসমূহেও আপোনাৰ কাৰ্যক অনুসৰণ কৰিব।'
কিছু দিন পূৰ্বে ভেক্চিনৰ উৎপাদন বৃদ্ধি আৰু আবণ্টনৰ বাবে বিভিন্ন দেশৰ ওচৰত আবেদন কৰিছিলে টেড্রছ আডানম্ গেব্রিয়েছাছে। তেওঁ কয় যে,'ভেক্চিন আবণ্টন নকৰিলে ঘুৰি ঘুৰি আগৰ স্থান পাবগৈ বিশ্ব।'
উল্লেখ যোগ্য যে, বাংলাদেশ, ভূটান, মালদ্বীপ, ম্যানমাৰ, নেপাল-সহ একাধিক দেশলৈ পঠোৱা হৈছে ভাৰতীয় ভেক্চিন ৷
- Log in to post comments
- 9 views
