অসম-অৰুণাচল সীমাত আছুৰ টহল 

অসম-অৰুণাচলৰ সীমান্ত ৰাজগড়ত গহপুৰ আছুৰ টহল ৷ সদৌ অৰুণাচল প্ৰদেশ ছাত্ৰ সন্থাই (আপছু) অসমত যোৱা ৩০ জুলাইত এন আৰ চিৰ চূড়ান্ত খচৰা প্ৰকাশৰ পাছতেই ৰাজ্যখনত অসমৰ পৰা বহু অবৈধ বাংলাদেশী লোকে প্ৰৱেশ কৰিব বুলি আশংকা কৰিছিল ।

সমগ্ৰ অৰুণাচলতে কোনো যাৱতীয় অনুমতি আৰু পাৰপত্ৰ নোহোৱাকৈ অবৈধভাৱে বসবাস কৰি থকা লোকসকলক চিনাক্তকৰণৰ বাবে শুকুৰবাৰৰ পৰা ‘ক্লিন অৰুণাচল’ নামেৰে এক অভিযান আৰম্ভ কৰিছে সদৌ অৰুণাচল প্ৰদেশ ছাত্ৰ সন্থাই ।

ইয়াৰ পৰিপ্ৰেক্ষিতত অৰুণাচলৰ পৰা অসমৰ প্ৰৱেশ পথত গহপুৰ মহকুমা আছুৱে তহলৰ ব্যৱস্থা কৰিছে । 
অৰুণাচলৰ পৰা পলায়ন কৰা সন্দেহযুক্ত নাগৰিক গহপুৰৰ ৰাজগড় হৈ অসমত প্ৰৱেশ কৰাৰ সন্দেহত গহপুৰ আছুৱে এই পদক্ষেপ গ্ৰহণ কৰিছে ৷