বজালীৰ স্বচ্ছ বেলনা গাঁৱক প্ৰশংসা কৰি প্ৰধান মন্ত্ৰী নৰেন্দ্ৰমোদীৰ টুইট : উৎফুল্লিত গাঁওবাসী

বজালীৰ পৰা বুবু কলিতাৰ প্রতিবেদন :

অসমৰ এখন অখ্যাত গাঁৱে প্ৰধানমন্ত্ৰীৰ টুইটত স্থান লাভ কৰাত উৎসাহিত হৈ পৰিছে গাঁওখনৰ লোকসকল। উল্লেখ্য যে এবছৰ পূৰ্ৱে  ৰাজ্যৰ মুখ্য মন্ত্ৰীয়ে স্বচ্ছ গাঁও ৰূপে স্বীকৃতি প্ৰদান কৰা বজালীৰ বেলনা গাঁওৱেই হৈছে ৰাজ্যৰ প্ৰথম খন স্বচ্ছ গাঁও।মুখ্যমন্ত্ৰীৰ ঘোষণাৰ পিছতে গাঁওবাসীয়ে গাঁও খনক পৰিস্কাৰ কৰি ৰখাৰ ক্ষেত্ৰত বিশেষ ভুমিকা গ্ৰহণ কৰি অাহিছে।

এবছৰ পূৰ্ৱেই গাঁও বাসীয়ে নিসিদ্ধ কৰিছে এবাৰ ব্যৱহাৰৰ উপযোগী প্লাষ্টিক,সুৰা জাতীয় সামগ্ৰী।সম্প্ৰতি সেউজ অাৰু স্বচ্ছ গাঁও ৰূপে পৰিগণিত হোৱা এইখন বেলনা গাঁওক লৈয়ে প্ৰধান মন্ত্ৰী নৰেন্দ্ৰ মোদীয়ে টুইটাৰ যোগে  প্ৰশংসা কৰিছে গাঁও খনক।প্ৰধান মন্ত্ৰী মোদীৰ টুইটে স্বাভাবিকতে উৎসাহিত কৰি তুলিছে গাঁও বাসীক  ।