অফলামুখ পাৰঘাট পৰিদৰ্শন মাজুলীৰ নৱনিযুক্ত উপায়ুক্ত কৈৰীৰ

নিউজ এএছএন প্ৰতিবেদক,মাজুলী :

মাজুলীৰ নৱনিযুক্ত উপায়ুক্ত বিক্ৰম কৈৰীয়ে শনিবাৰে অফলামুখ পাৰঘাট এলেকা পৰিদৰ্শন কৰি পাৰঘাটটোৰ পৰিবেশ পৰ্যবেক্ষণ কৰে। উপায়ুক্তগৰাকীয়ে পাৰঘাট পৰিচালনাৰ দায়িত্বত থকা আভ্যন্তৰীণ জলপৰিবহন বিভাগৰ কৰ্মচাৰীসকলৰ পৰা অফলামুখ-নিমাতীঘাট সংযোগী ফেৰীসেৱাৰ সবিশেষ বুজ লয়। মাথো দুদিন পূৰ্বে মাজুলী জিলাৰ উপায়ুক্ত হিচাপে কাৰ্যভাৰ গ্ৰহণ কৰা ভাৰতীয় প্ৰশাসনিক সেৱাৰ বিষয়া কৈৰীয়ে আজি পাৰঘাটটো পৰিদৰ্শনৰ সময়ত একাংশ ফেৰী-যাত্ৰীৰ সৈতেও মত বিনিময় কৰে। অফলামুখ ঘাটৰ উপৰি শীঘ্ৰে কমলাবাৰী পাৰঘাটো পৰিদৰ্শন কৰি উপায়ুক্ত গৰাকীয়ে মাজুলী-নিমাতীঘাট সংযোগী ফেৰীসেৱাৰ বিতং পৰ্যালোচনা কৰিব বুলিও জানিব দিয়ে।