২১অক্টোবৰত মৰিগাওঁ জিলা প্ৰশাসনৰ উদ্যোগত নিয়োগ মেলা

মৰিগাঁৱৰ পৰা জিতুমনি নাথৰ প্রতিবেদন :

মৰিগাওঁ জিলা প্ৰশাসনৰ উদ্যোগত আৰু নেচনেল কেৰিয়াৰ চাৰ্ভিচ এম চি চি যোৰহাটৰ  সহযোগত অহা ২১ অক্টোবৰত মৰিগাঁৱত এখন নিয়োগ মেলা অনুষ্ঠিত কৰা হৈছে। মৰিগাঁও জিলা উপায়ুক্ত ঋতুৰাজ বৰাৰ বিশেষ তৎপৰতাত আয়োজন কৰা এই নিয়োগ মেলা খনিত যুৱক সকলক বিশেষভাবে অগ্ৰাধিকাৰ দিয়া হ'ব । মৰিগাঁও নগৰৰ কলা বিথিকাৰ প্ৰেক্ষাগৃহত অনুষ্ঠিত হ'বলগীয়া নিয়োগ মেলাত গুজৰাটৰ চুজুকি মটৰচত নিয়োগৰ ক্ষেত্ৰত অগ্ৰাধিকাৰ প্ৰদান কৰা হ'ব।এই ক্ষেত্ৰত নিয়োগ মেলাত অংশ গ্ৰহণ কৰিবলগীয়া যুৱক সকল দশম শ্ৰেণীৰ উত্তীৰ্ণ হোৱাৰ লগতে আই টি আই প্ৰমাণ পত্ৰ থকাটো  বাঞ্ছনীয়। নিয়োগ মেলাৰ ক্ষেত্ৰত বিশেষ জানিবলৈ আগ্ৰহ প্ৰকাশ কৰা  যুৱক সকলে  ৮২৫৪৯৮৪১২০ নম্বৰত যোগাযোগ কৰিব পাৰিব বুলি জিলা উপায়ুক্ত কায্যালয়ে জানিবলৈ দিছে।