বিলাসীপাৰাত দূৰ্গা পূজা উপলক্ষে জোনাকী এছোছিয়েছনৰ বস্ত্র বিতৰণ

বিলাসীপাৰাৰ পৰা জহিৰুল ইছলামৰ প্রতিবেদন :

ধুবুৰী জিলাৰ জোনাকী এছোছিয়েনৰ সভাপতি, মোস্তাফিজুৰ ৰহমানৰ লগতে সম্পাদক, পৱন মিশ্ৰ আৰু খুৰ্শিদ আলমৰ উদ্যোগত বিলাসীপাৰা পাব্লিক উচ্চতৰ মাধ্যমিক বিদ্যালয়ত বৃহস্পতিবাৰে  সাৰ্বজনীন দূৰ্গা পূজা উপলক্ষে একাংশ দৰিদ্ৰ লোকৰ মাজত এক বস্ত্র বিতৰণী সভা অনুষ্ঠিত কৰি উপস্থিত লোক সকলৰ মাজত কিছু বস্ত্ৰ বিতৰণ কৰে। মনকৰিবলগীয়া যে উক্ত সভা খনত জোনাকী এছোছিয়েছনে শাড়ী, ধুতি, আদিকে ধৰি প্ৰায় দুশখন বিভিন্ন প্ৰকাৰৰ কাপোৰ  বিতৰণ কৰে। উল্লেখযোগ্য যে উক্ত সভা খনত ভাষন প্ৰদান কৰে সমাজ কৰ্মী ডঃ কানুলাল দাস ,জ্যেষ্ঠ সাংবাদিক আলতাপ হুছেইন,বিলাসীপাৰা পাব্লিক উচ্চতৰ মাধ্যমিক বিদ্যালয়ৰ অধ্যক্ষ মঞ্জু দেৱী, বিলাসীপাৰা মহাবিদ্যালয়ৰ বিজ্ঞান শাখাৰ অধ্যাপক সুনীল কুমাৰ শৰ্মা,শংকৰ দেৱ শিশু নিকেতনৰ অধ্যাপক সিবাজী কৰ্মকাৰৰ লগতে শিক্ষক প্ৰসেনজিৎ বিশ্বাসে। সভা খনত প্ৰায় পাঁচ শতাধিক ৰাইজ উপস্থিত থাকে।