বঙাইগাঁৱত ২৫ ছেপ্টেম্বৰত 'ৰাইজৰ চ'ৰা'ৰ দ্বিতীয় বৈঠক

বঙাইগাঁওঃ

বঙাইগাঁও জিলা প্ৰশাসনে ৰাইজৰ বিভিন্ন আপত্তি- অভিযোগসমূহ তৎকালীনভাৱে সমাধা কৰাৰ বাবে আৰম্ভ কৰা 'ৰাইজৰ চ'ৰা'ৰ দ্বিতীয়খন বৈঠক অনিবাৰ্য কাৰণৱশত ২৪ ছেপ্টেম্বৰৰ পৰিৱৰ্তে অহা ২৫ ছেপ্টেম্বৰত অনুষ্ঠিত হ'ব ৷ সেয়ে ২৫ ছেপ্টেম্বৰ বুধবাৰে পুৱা ৯.৩০ বজাৰ পৰা ১০.৩০ বজাৰ ভিতৰত জিলা উপায়ুক্ত কাৰ্যালয়ত এই 'ৰাইজৰ চ'ৰা' অনুষ্ঠিত হ'ব। উক্ত দিনা পুৱা ৯.৩০ বজাৰ পৰা ৰাইজৰ ওজৰ-আপত্তি তথা অভিযোগ সমূহ অভিযোগকাৰী সকলে পঞ্জীয়ন কৰিব লাগিব । উল্লেখ্য যে প্ৰতি মাহৰ দ্বিতীয় আৰু চতুৰ্থ মঙলবাৰে 'ৰাইজৰ চ'ৰা ' অনুষ্ঠিত কৰাৰ বাবে জিলা প্ৰশাসনে দিন নিৰ্ধাৰণ কৰিছে যদিও অনিবাৰ্য কাৰণৱশত দ্বিতীয়খন বৈঠক এদিন পিছুৱাই দিবলগীয়া হৈছে বুলি জিলা তথ্য আৰু জনসংযোগ বিভাগে এক প্ৰেছ টোকাত উল্লেখ কৰিছে  ৷