মাজুলীত মোবাইল বিস্ফোৰণত জাহ গ'ল সম্পত্তি

মাজুলীৰ গুৱালগাঁৱত এটা মোবাইল বিস্ফোৰণ হোৱা ঘটনাই চাঞ্চল্যৰ সৃষ্টি কৰিছে অঞ্চলটোত । গুৱালগাঁৱৰ হৰেন শইকীয়া নামৰ লোকজনৰ ঘৰত সংঘটিত এই ঘটনাত কোঠাটোত থকা বিছনা-তুলি, এটা প্ৰিণ্টাৰ আৰু বহু নথি-পত্ৰ জাহ যায় ।

ঘটনামতে পুৱা হোৱা এক শব্দত উচপ খাই উঠে হৰেন শইকীয়াৰ ঘৰৰ লোক । লগে লগে কোঠাটোলৈ আহি দেখে জুয়ে ইতিমধ্যে কোঠাটোত থকা আচবাব, নথি-পত্ৰসমূহ আগুৰি ধৰিছে ।

ফলত এক এক হুলস্থূলীয়া পৰিৱেশৰ সৃষ্টি হয় । ততাতৈয়াকৈ জুই নিৰ্বাপিত কৰা হয় যদিও কোঠাটোত থকা সম্পত্তিসমূহ জাহ যায় । পিছত মোবাইল বিস্ফোৰণৰ বাবেই ঘটনাটো সংঘটিত হোৱা বুলি পৰিয়ালটোৱে জানিব পাৰে ।