চাপৰত ৭২সংখ্যক স্বাধীনতা দিৱসৰ আয়োজন

সমগ্ৰ ৰাজ্যৰ লগতে কাইলৈ চাপৰত বিভিন্ন কার্যসূচীৰে উদ্‌যাপিত হব ৭২সংখ্যক স্বাধীনতা দিৱস ৷ দিনজোৰা কাৰ্যসূচীৰে অনুষ্ঠিত হ'বলগীয়া স্বাধীনতা দিৱসৰ বাবে ইতিমধ্যে প্রস্তুতি সম্পূৰ্ণ হৈ ইঠিছে ৷

কাৰ্যসূচী অনুসৰি পুৱা ৭ বজাত ঘৰে ঘৰে পতাকা উত্তোলন, ৭.৩০ বজাত সকলো অনুষ্ঠান-প্রতিষ্ঠানত পতাকা উত্তোলন, ৮.৪৫ বজাত ছহিদ বেদীত পুষ্পাঞ্জলি অৰ্পণৰ লগতে শৰৎ চন্দ্র সিংহ আৰু প্রতিমা বৰুৱা পাণ্ডেৰ আৱক্ষ মূর্তিত মাল্যদান কৰা হ'ব ৷

৯.০০ বজাত আনুষ্ঠানিকভাৱে জাতীয় পতাকা উত্তোলন কৰিব চাপৰৰ চক্ৰ বিষয়া নৱজিৎ পাঠকে ৷ ইয়াৰ পিছত চাপৰ স্বাস্থ্য কেন্দ্রৰ ৰোগীসকলৰ মাজত ফল-মূল বিতৰণ, সাংস্কৃতিক কাৰ্যসূচী, খেল-ধেমালি আৰু চিত্রাংকন প্রতিযোগিতা আদি অনুষ্ঠিত হ'ব ৷

আনহাতে, আইন-শৃংখলাৰ ৰক্ষাৰ প্রতি জিলা প্ৰশাসন সম্পূর্ণ সজাগ বুলি আৰক্ষী সূত্ৰে প্রকাশ কৰিছে ৷